Hiermanija vyjaviła techničnyja defiekty ŭ źniščalniku Eurofighter
U karmavoj častcy źniščalnika Eurofighter Typhoon śpiecyjalisty vyjavili defiekty, jakija abmiažoŭvajuć resurs bajavoha vykarystańnia mašyny, paviedamiła Ministerstva abarony FRH, piša sajt defensenews.com.
Pamyłki vytvorcy pry najhoršym źbiehu abstavinaŭ mohuć pryvodzić da taho, što korpus źniščalnika ŭ palocie moža razvalicca naprykancy resursu vykarystańnia.
Z hetaj pryčyny Bierlin u dva razy skaračaje termin znachodžańnia hetych źniščalnikaŭ u pavietry.
Paviedamlajecca, što Karaleŭskija pavietranyja siły Vialikabrytanii pieršymi zaŭvažyli prablemu i taksama vyrašyli skaracić kolkaść lotnych hadzin dla Eurofighter.
Vytvorca šmatmetavaha źniščalnika — eŭrapiejski kansorcyum, jaki składajecca z hihantaŭ aerakaśmičnaha siektaru: Airbus, VAE Systems i Finmeccanica. Usiaho było pabudavana da kastryčnika 2014 hodu 418 mašyn. Košt kožnaj z ulikam vydatkaŭ na raspracoŭku — amal $200 miljonaŭ.
FRH i Brytanija ŭžo skaracili svaje zamovy na Eurofighter u dva razy, taksama prajekt prajhraŭ niekalki tenderaŭ na ekspartnyja kantrakty, tamu Airbus papiaredžvaŭ, što vytvorčaść mašyny moža być spynienaja ŭ 2018 hodzie.
Taksama hetyja źniščalniki vykarystoŭvajucca Ispanijaj, Italijaj, Aŭstryjaj, Saŭdaŭskaj Aravijaj, Amanam.
Letam 2014 hodu ispanski Eurofighter raźbiŭsia, pry hetym zahinuŭ piłot. Pryčyna avaryi nieviadomaja.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary61
Kamientary