Namieśnik premjer-ministra Piotr Prakapovič abmierkavaŭ inviestycyjnyja i handlovyja prajekty supracoŭnictva pamiž Biełaruśsiu i Francyjaj z pradstaŭnikami šerahu mižnarodnych i francuzskich finansavych struktur i kampanij.
Pieramovy adbylisia 6 kastryčnika paśla zaviaršeńnia sustrečy biełaruskaj delehacyi z pradstaŭnikami francuzskaha biźniesu ŭ štab-kvatery MEDEF — najbujniejšaj arhanizacyi Francyi, jakaja abjadnoŭvaje francuzskija pradpryjemstvy.
Jak paviedamili ŭ pasolstvie Biełarusi ŭ Francyi, rabočy vizit biełaruskaj delehacyi na čale ź Piatrom Prakapovičam u hetu krainu prachodzić 6—7 kastryčnika. U skład delehacyi ŭvachodziać taksama biełaruski pasoł Pavieł Łatuška, namieśnik ministra pramysłovaści Pavieł Uciupin, pradstaŭniki aparatu ŭrada, kampanii «Biełeksimharant» i dziełavych kołaŭ Biełarusi.
Na sustrečy ŭ MEDEF vice-premjer pravioŭ prezientacyju mahčymaściaŭ supracoŭnictva ź Biełaruśsiu ŭ ekanamičnaj śfiery. Jon pradstaviŭ detalovuju infarmacyju pra mahčymaści raźvićcia handlova-ekanamičnaha supracoŭnictva dźviuch krain, realizacyi francuzskimi kampanijami inviestycyjnych prajektaŭ u Biełarusi. Jak paviedamlajecca, asablivaja ŭvaha była nadadziena novym mahčymaściam supracoŭnictva ź Biełaruśsiu ŭ suviazi sa stvareńniem JEAES. Z francuzskaha boku ŭ liku inšych na sustrečy prysutničali pradstaŭniki kampanij Thales, Michelin, Peugeot-Citroen, Vinci, Rothschild, Oberthur i dypłamaty.
Pa vynikach sustrečy baki damovilisia, što ŭ 2015 hodzie pad ehidaj MEDEF International adbudziecca vizit dziełavych kołaŭ Francyi ŭ Biełaruś.
U ramkach rabočaha vizitu biełaruskaj delehacyi taksama zapłanavany pieramovy ź ministram pa pytańniach zamiežnaha handlu Francyi Matyjasam Fiekłam, praviadzieńnie narady z kiraŭnikami padraździaleńniaŭ francuzskich ministerstvaŭ, adkaznymi za adnosiny ź Biełaruśsiu.
Płanujecca, što pa vynikach sustreč budzie padpisany kantrakt pamiž sumiesnym pradpryjemstvam «Junisan» i aŭtamabilnym kancernam Peugeot-Citroen — ab stvareńni ŭ Biełarusi zboračnaj vytvorčaści. Čakajecca taksama, što pamiž RUP «Biełeksimharant» i francuzskim ahienctvam pa strachavańni ekspartnych kredytaŭ Coface budzie padpisany miemarandum ab uzajemarazumieńni. Akramia hetaha, płanujecca, što budzie padpisana pahadnieńnie ab budaŭnictvie ŭ Biełarusi haścinic z hrupaj kampanij Accor.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj3
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3030
Kamientary