Hubarevič sprabuje ŭziać Babaryku na słabo: «Jość apasieńni, što nie atrymajecca pieraadoleć prachadny barjer na vybarach u KR?»
Viktar Babaryka zajaviŭ, što nie budzie ŭdzielničać u vybarach u Kaardynacyjnuju radu, jak nie budzie ŭdzielničać i arhkamitet jahonaj partyi «Razam». Juraś Hubarevič prakamientavaŭ arhumienty byłoha bankira.
Nie viedaju, chto farmavaŭ pazicyju partyi «Razam» adnosna niaŭdziełu ŭ vybarach u Kaardynacyjnuju Radu. Ale ŭ pradstaŭlenym vyhladzie jana nie vytrymlivaje nijakaj krytyki.
«Nieabchodna źmianić pryncypy farmavańnia i ŭzajemadziejańnia ŭsich instytucyjnych orhanaŭ demakratyčnych sił…» — prapanova cikavaja, chacia i nie novaja. Adnak ci nie praściej heta zrabić, źjaŭlajučysia častkaj pracesu?
Kaardynacyjnaja Rada źjaŭlajecca adnym z troch padpisantaŭ Pratakoła ab uzajemadziejańni OST — APK — KR. Atrymlivajcie zaŭvažnuju kolkaść miescaŭ u KR, staŭcie pytańnie ab pierahladzie Pratakoła.
Nie razumieju, jak heta možna rabić zvonku. Chiba što zapisacca ŭ šerahi marhinalizavanych hrup, jakija krytykujuć, ale realna nie zdolnyja ni na što paŭpłyvać.
«My sprabavali pieranieści dadzienyja vybary na vosień…» — voś tut, kali łaska, padrabiaźniej. Jak sprabavali? Nakolki viedaju, nivodnaha aficyjnaha zvarotu da Kaardynacyjnaj Rady nie pastupała. Taksama nie było i publičnych zajavaŭ.
Uvohule, praktyka pieranosu daty vybaraŭ pad patreby adnaho ź dziasiatkaŭ palityčnych subjektaŭ źjaŭlajecca zahannaj, bo parušajecca asnovatvorny pryncyp: pieryjadyčnaść i pradkazalnaść vybarčych pracesaŭ, bazavy demakratyčny pryncyp, jaki nie pavinien zaležać ad hatoŭnaści asobnych arhanizacyj.
I navat kali dapuścić pieranos vybaraŭ, zastajecca adkrytym pytańnie: ci harantavała b heta ŭdzieł partyi «Razam», kali za 6 papiarednich hadoŭ nie była sfarmavanaja adpaviednaja arhanizacyjnaja baza?
«Partyja «Razam» … dziejničaje ŭ intaresach biełaruskaha naroda i svaich členaŭ.»
A tut u čym prablemy? Jość apasieńni, što nie chopić členaŭ dla farmavańnia vybarčaha śpisu i intaresy biełaruskaha naroda z 2020 hoda nastolki źmianilisia, što nie atrymajecca pieraadoleć prachadny barjer na vybarach u Kaardynacyjnuju Radu?
«Na dadzieny momant my nie bačym mahčymaści sapraŭdy zabiaśpiečyć efiektyŭnaść KR i metazhodnaść svajoj dziejnaści ŭ jaho ramkach». Z ulikam vyšej pieraličanaha, heta najbolš zrazumieły i łahičny punkt zajavy. Z takim staŭleńniem da razumieńnia roli demakratyčnych instytucyj i formaŭ ŭdziełu ŭ palityčnym žyćci partyi «Razam» prynieści dadatkovuju vartaść sapraŭdy budzie składana.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec30
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Babaryka i Ko, vy nie Ŭstaŭ kamiercyjnaj arhanizacyi ŭkładajecie. Vyznačyciesia, vy za intaresy naroda ci za intaresy členaŭ svajoj partyi. Tolki daloki ad palityki čałaviek moža dumać, što mahčymaje 100% -vaje adnačasovaje spałučeńnie intaresaŭ usich va ŭsich situacyjach.