U Minsku adkryvajecca pieršaja ŭ Biełarusi Škoła raspracoŭki interfiejsaŭ (ŠRI), navučańnie ŭ jakoj budzie pravodzicca biaspłatna. Ab hetym paviedamili ŭ pres-słužbie kampanii «Jandeks».
Škoła raspracoŭki interfiejsaŭ — sumiesny prajekt «Jandeksa» i BDUIR. Jon aryjentavany na studentaŭ staličnych VNU, maładych śpiecyjalistaŭ i ŭsich tych, chto žadaje pasprabavać siabie ŭ hetym pierśpiektyŭnym kirunku. Śpiecyjalisty «Jandeksa» dapamohuć słuchačam pašyryć navyki ŭ halinie frontend-raspracoŭki, asvoić novyja technałohii i atrymać vopyt kamandnaj pracy nad prajektam. Zaniatki viaduć supracoŭniki «Jandeksa», jakija robiać interfiejsy dla Pošuku, Pošty, Dyska i inšych servisaŭ najbujniejšaha pošukavaha internet-partała.
Navučańnie ŭ škole budzie ŭklučać i tearetyčnyja, i praktyčnyja zaniatki. Apošnija buduć prachodzić u ekśpierymientalnym farmacie: słuchačy zmohuć prymianić atrymanyja viedy va ŭmovach, blizkich da realnaj kamandnaj pracy. Prahrama raźličana na dva miesiacy: praces navučańnia startuje ŭ siaredzinie kastryčnika i praciahniecca da śniežnia.
Budučym słuchačam spatrebiacca bazavyja viedy CSS, html, JavaScript i minimalnyja navyki pracy ź imi. Kab stać studentam ŠRI, nieabchodna prajści konkursny adbor, zdaŭšy da 28 vieraśnia testavaje zadańnie na partale tech.yandex.ru.
«My zaŭvažyli cikavaść da hetaha kirunku siarod studentaŭ i raspracoŭščykaŭ-pačatkoŭcaŭ i chočam padtrymać jaho, padzialiŭšysia viedami i vopytam, jakija jość u «Jandeksie», – raskazała Hanna Zacharava, namieśnik kiraŭnika minskaha ofisa kampanii. — Taki prajekt dazvolić padrychtavać śpiecyjalistaŭ, jakija buduć lepš adaptavanyja da realnych umoŭ frontend-raspracoŭki».
Adkryćcio ŠRI ŭ Minsku — praciah adukacyjnaj prahramy «Jandeksa» ŭ Biełarusi. Try hady tamu ŭ Minsku byŭ adkryty filijał Škoły analizu danych (ŠAD) na bazie fakulteta prykładnoj matematyki i infarmatyki BDU i minskaha ofisa «Jandeksa». Škoła raspracoŭki interfiejsaŭ užo isnuje ŭ Maskvie, Simfieropali i Jekaciarynburhu.
Kamientary