Pa inicyjatyvie sierbskaha boku siońnia adbyłasia telefonnaja razmova Alaksandra Łukašenki z prezidentam Sierbii Tamisłavam Nikaličam, paviedamlaje pres-słužba biełaruskaha kiraŭnika.
«Prezident Sierbii pavinšavaŭ biełaruskaha kalehu z vysokim uzroŭniem arhanizacyi i paśpiachovym praviadzieńniem sustrečy kiraŭnikoŭ dziaržaŭ - členaŭ Mytnaha sajuza, Ukrainy z udziełam vysokich pradstaŭnikoŭ ES, jakaja prajšła ŭ Minsku 26 žniŭnia, - zajavili ŭ pres-słužbie. - Kiraŭnik Biełarusi zajaviŭ, što pośpiech hetaj sustrečy ŭžo ŭ tym, što baki pačali razmaŭlać niepasredna i za kruhłym stałom abmiarkoŭvać złabadzionnyja prablemy».
Alaksandr Łukašenka adznačyŭ rolu ES u pieraškodzie eskałacyi kanfliktu va Ukrainie. Kiraŭnik biełaruskaj dziaržavy prainfarmavaŭ prezidenta Sierbii ab tym, što siońnia ŭ Minsku prachodzić čarhovy raŭnd pierahavoraŭ kantaktnaj hrupy Ukraina — Rasija — ABSIE.
Kiraŭniki dziaržaŭ taksama abmierkavali pytańni dvuchbakovych uzajemaadnosin. Tamisłaŭ Nikalič asabliva padkreśliŭ važnaść aktyvizacyi supracoŭnictva Biełarusi i Sierbii ŭ suviazi z tym, što Sierbija prymaje staršynstva ŭ ABSIE ŭ 2015 hodzie. Jon zaprasiŭ Alaksandra Łukašenku ŭ nastupnym hodzie naviedać Sierbiju ź vizitam.
Kamientary