Vajennaha ŭmiašańnia Rasii ŭ kanflikt na paŭdniovym uschodzie Ukrainie nie budzie, Maskva vystupaje za mirnaje vyrašeńnie kryzisu, zajaviŭ ministr zamiežnych spraŭ Rasii Siarhiej Łaŭroŭ padčas vystupu ŭ MHIMO.
U adras Maskvy hučać abvinavačvańni ŭ padtrymcy sieparatystaŭ u Danbasie. Maskva adchilaje lubyja abvinavačvańni ŭ najaŭnaści rasijskich vajskoŭcaŭ na paŭdniovym uschodzie, a taksama va ŭzbrojvańni sieparatystaŭ.
«Vajennaha ŭmiašańnia nie budzie, my vystupajem za vyklučna mirnaje ŭrehulavańnie hetaha ciažkaha kryzisu, hetaj trahiedyi. Usio, što my robim, nacelena na toje, kab prasoŭvać mienavita palityčnyja padychody», - skazaŭ Łaŭroŭ.
Na dumku kiraŭnika MZS, sustreča kantaktnaj hrupy pa ŭrehulavańni kryzisu na Ukrainie ŭ Minsku pavinna być pryśviečana spynieńniu ahniu.
«Ja asabista raźličvaju, što pieramovy buduć pierš za ŭsio pryśviečanyja zadačy ŭzhadnieńnia nieadkładnaha, biez usialakich umovaŭ spynieńnia ahniu», - skazaŭ Łaŭroŭ.
Kamientary