Adkryvajučy samit u farmacie Mytny sajuz — Jeŭrasajuz — Ukraina 26 žniŭnia ŭ Minsku, Alaksandr Łukašenka zaklikaŭ baki adkinuć palityčnyja ambicyi i padumać pra los prostych ludziej.
Łukašenka sa škadavańniem adznačyŭ, što siońnia «davodzicca abmiarkoŭvać pytańni, jakija, zdavałasia b, dla Jeŭropy nazaŭždy zastalisia ŭ minułym stahodździ». «Na ŭschodzie Ukrainy nie spyniajecca vajenny kanflikt. Hinuć ni ŭ čym nie vinavatyja mirnyja ludzi. Źniščajecca ekanamičnaja infrastruktura bahataj i kvitniejučaj raniej krainy. Sotni tysiač biežancaŭ vymušanyja pakidać rodnyja miaściny. Ceły rehijon apynuŭsia na miažy humanitarnaj katastrofy. Heta nie kadry historyi. Heta naša siońniašniaja realnaść», — skazaŭ Łukašenka, dadaŭšy, što na toje, što adbyvajecca, niemahčyma hladzieć abyjakava.
Biełaruski kiraŭnik nahadaŭ, što ŭ dzień inaŭhuracyi jaho ŭkrainski kaleha Piatro Parašenka prasiŭ nie śpiašacca z uviadzieńniem sankcyj z boku Mytnaha sajuza ŭ dačynieńni da Ukrainy z-za jaje namieraŭ padpisać pahadnieńnie ab asacyjacyi ź ES. Jon tady taksama paprasiŭ Łukašenku davieści hetuju prośbu da prezidentaŭ Rasii i Kazachstana. Mienavita tady Parašenka prapanavaŭ pravieści sustreču na vyšejšym uzroŭni i abmierkavać usie isnujučyja pytańni.
«Ja vykanaŭ jaho prośbu. Ja dałažyŭ svaim kaleham-prezidentam pra hetuju razmovu, pra jaje źmiest. Mierkavańnie prezidentaŭ było adnadušnym: źbirajemsia ŭ Minsku i prapanujem usim zacikaŭlenym pryniać udzieł u hetaj sustrečy», — padkreśliŭ Łukašenka, źviarnuŭšy ŭvahu na toje, što samitu papiaredničali nieadnarazovyja kansultacyi na ŭzroŭni kiraŭnikoŭ dziaržaŭ, ekśpiertaŭ, a taksama z čynoŭnikami ES.
Kiraŭnik biełaruskaj dziaržavy vykazaŭ pierakananaść u tym, što nichto z udzielnikaŭ samitu «nie choča atrymać vyhadu ź ciapierašniaj situacyi», pakolki «było b bluźnierstvam pastupić takim čynam».
«Našy narody davieryli nam, prezidentam, svaje losy. A što my pavinny zrabić u adkaz na hety davier? Zamiest dymiačych trub fabryk i zavodaŭ pakinuć dymiačyja ruiny i papiališčy, jak heta adbyvajecca ciapier? Asudzić našych ludziej na ślozy i pakuty? Dumajecca mnie, udostal napakutavalisia ŭ minułym. Kali my chočam, kab nas ličyli adkaznymi palitykami, to my pavinny ŭśviadomić całkam hruz adkaznaści pierad našymi narodami, adkinuć palityčnyja ambicyi, nie šukać jakich-niebudź dyvidendaŭ, padumać pra los zvyčajnych, prostych ludziej, starych, dziaciej, jakija płačuć, jakija pakutujuć, i pra zahinułych», — padsumavaŭ Łukašenka.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki5
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary