Alaksandr Łukašenka daručyŭ z 2015 hoda vyvieści ŭzrovień lesakarystańnia na standarty pieradavych krain, pierš za ŭsio Finlandyi.
Takuju zadaču kiraŭnik dziaržavy pastaviŭ siońnia ŭ čas naviedvańnia Respublikanskaha lasnoha sielekcyjna-nasieńniavodčaha centra.
«Davajcie damovimsia tak: z budučaha hoda my pracujem tolki tak, jak pracujuć u Finlandyi, pa technałohii vyroščvańnia, vyroščvańnia — kompleksna. Kali jany heta nie mohuć — jany ŭ lesie nie pracujuć, — padkreśliŭ Łukašenka. - Čas hety razboj u lesie zakančvać!»
«Voś mnie pryhoža dakładvajuć, ale ja baču i inšaje: ja byvaju u lesie, i baču, jak tam pracujuć», - adznačyŭ kiraŭnik dziaržavy.
Alaksandr Łukašenka nahadaŭ, što, pryznačajučy ministram lasnoj haspadarki Michaiła Amieljanoviča, staviŭ zadaču vyvučać vopyt lesakarystańnia ŭ pieradavych krainach i pieranosić jaho ŭ Biełaruś. «Hetaja kultura, zrez, pierapracoŭka reštkaŭ, praces narychtoŭki — usio pavinna być pa vyšejšym kłasie, - padkreśliŭ Łukašenka. — Z nastupnaha hoda paradak i kultura pavinny być tolki takimi!»
Kiraŭnik dziaržavy dadaŭ, što da hetaha treba prychodzić i ŭ ekanomicy viadzieńnia lasnoj haspadarki.
«U lesie pavinien być paradak. Heta naš zdabytak», — padkreśliŭ Łukašenka.
Apytanka
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary