Minkamsuviazi Rasii zaćvierdziła pastanovu, jakaja tłumačyć paradak identyfikacyi karystalnikaŭ dla dostupu ŭ internet praz publičnyja punkty WiFi. Pra heta paviedamlaje sajt viedamstva.
Pastanova ŭdakładniaje, što apieratar suviazi pierad adkryćciom dostupu ŭ internet moža prapanavać karystalniku ŭvieści numar svajho mabilnaha telefona, na jaki budzie dasłany kod dla paćvierdžańnia uviedzienych dadzienych, albo paznačyć svajo proźvišča, imia i imia pa baćku, jakija paćviardžajucca ulikovym zapisam na Adzinym partale dziaržaŭnych pasłuh, dakumientam, jaki śviedčyć asobu, ci inšym sposabam, jaki nie supiarečyć zakanadaŭstvu.
Tłumačeńnie nie mianiaje pieršapačatkovych farmulovak pastanovy, jakija iduć ź fiederalnaha zakona, a tolki vyznačaje paradak identyfikacyi karystalnikaŭ, paviedamiŭ ministr suviazi Mikałaj Nikifaraŭ.
Supracoŭnik adnaho z apierataraŭ raspavioŭ, što kali apieratar pradastaŭlaje pasłuhu jurydyčnaj asobie — kafe, hatelu, kramie i t. p., to abaviazak pa zbory dadzienych karystalnikaŭ lažyć na hetaj arhanizacyi, a nie na apieratary. Pry hetym adkaznaść za admovu davać hetuju infarmacyju, za jaje niapoŭnaść abo niedakładnaść nie praduhledžana zakanadaŭstvam, tamu ŭ šerahu vypadkaŭ novyja normy mohuć być niadziejsnym, zaŭvažaje jon.
Pastanovu ab zabaronie ananimnaha WiFi padpisaŭ premjer-ministr RF Dźmitryj Miadźviedzieŭ 8 žniŭnia.
Kamientary