U Biełarusi niekatoryja taryfy na žyllova-kamunalnyja pasłuhi dla nasielnictva buduć praindeksavanyja z 1 vieraśnia na 9,8%.
Pra heta paviedamiŭ siońnia žurnalistam dyrektar departamenta koštavaj palityki Ministerstva ekanomiki Ihar Famin.
«Pavodle źviestak Nacyjanalnaha statystyčnaha kamiteta, indeks źmieny tempaŭ rostu naminalnaha zarobku skłaŭ 9,8%. Značyć, z 1 vieraśnia taryfy na ŽKP buduć praindeksavanyja na 9,8%, ale buduć praindeksavanyja tolki subsidavanyja taryfy, heta značyć tyja, jakija dasiahnuli 100-adsotkavaha ŭzroŭniu kampensacyi vydatkaŭ, — adznačyŭ dyrektar departamenta. — Taryfy na vyvaz śmiećcia ŭ asobnych rehijonach nie buduć padlahać indeksacyi».
Pavodle infarmacyi pradstaŭnika Minekanomiki, uzrovień kampensacyi faktyčnaha sabiekoštu ŽKP nasielnictvam za 2013 skłaŭ 24,4%, za pieršaje paŭhodździe hetaha hoda heny pakazčyk pavialičyŭsia da 31%. «Z ulikam tych zachadaŭ, jakija praduhledžanyja ŭkazam №550, hety ŭzrovień pavinien značna ŭzraści pad kaniec hoda», — skazaŭ dyrektar departamenta.
Kamientary