Pa infarmacyi «Bresckaj haziety»: «Bresckim rajonnym vykanaŭčym kamitetam u asobie staršyni Macuk V.A., zaklučany dahavor ad 2014/04/01 h. (terminam na 5 hadoŭ) z TAA «Biełelektrostrojmontaž», u asobie dyrektara Cierašynskaha V.R., ab pradastaŭleńni ŭ arendu raźmieščanaha na terytoryi Bresckaha rajona ŭčastka raki Muchaviec praciahłaściu 10 km ad miažy horada Bresta da miažy z Žabinkaŭskaha rajona, u tym liku karjer Ščebryn, Jamno, dla viadzieńnia rybałoŭnaj haspadarki šlacham pramysłovaj łoŭli ryby z užyvańniem stavnych sietak i nievada (sietki staŭnyja ahulnaj daŭžynioj da 1000 mietraŭ, nievad — da 200 mietraŭ, pastki (žaki) — 30 št.)». Miarkujecca, što ŭ bližejšy čas budzie ŭviedziena i apłata za amatarskuju łoŭlu ryby.
Abłasnaja arhanizacyja Biełaruskaj sacyjał-demakratyčnaj partyi (Hramada) źviarnułasia sa śpiecyjalna pryniatym zajavaj u prakuraturu i dziaržaŭny kantrol.
«Nami nakiravanyja zvaroty ŭ Bresckuju abłasnuju prakuraturu i Kamitet dziaržaŭnaha kantrolu Bresckaj vobłaści. Dadzieny ŭčastak r. Muchaviec u adpaviednaści z Zakonam RB «Ab achovie navakolnaha asiarodździa» naležyć da pryrodnych terytoryj jakija padlahajuć śpiecyjalnaj achovie.
Dadzienaja terytoryja raki Muchaviec ŭnikalnaja, bo hetamu ŭčastku ŭłaścivaja vialikaja raznastajnaść ichcijafaŭny, tut miescy nierastu i zimavalnyja jamy. U adpaviednaści z Kanstytucyjaj Biełarusi nietry, vody, lasy składajuć vyklučnuju ŭłasnaść dziaržavy.
My, sacyjał-demakraty, ličym, što naturalnyja pryrodnyja vodnyja abjekty nie mohuć być pradmietam arendy z metaj pramysłovaj łoŭli ryby. U narodzie heta nazyvajuć «uzakonienym brakańjerstvam», — kamientuje situacyju staršynia abłasnoj arhanizacyi BSDP Ihar Masłoŭski
Pavodle Praviłaŭ viadzieńnia rybałoŭnaj haspadarki i rybałoŭstva RB arandatar abaviazany pravodzić nastupnyja adnaŭlenčyja mierapryjemstvy: «praviadzieńnie zarybleńnia rybałoŭnych uhodździaŭ u adpaviednaści z rybovodno-bijałahičnymi abhruntavańniami abo bijałahičnymi abhruntavańniami».
Heta prosta niemahčyma na race. Jeŭrapiejski som, žerach, sudak, lešč, liń i inšyja vidy ryb — heta nie karp abo karaś. Jak u takim vypadku arandatary źbirajucca zaryblać hetymi vidami ryb dadzienyja 10 km u toj čas, kali i technałohij pa štučnym vyhadoŭvańni mnohich vidaŭ ryb u Biełarusi praktyčna niama?!
«My ličym, što pramysłovy adłoŭ ryby na ŭčastku raki Muchaviec budzie akazvać škodnaje ŭździejańnie na navakolnaje asiarodździe i bijałahičnuju raznastajnaść. Nastupstvy pramysłovaha adłovu pryviaduć da pramych parušeńniaŭ Zakona RB «Ab achovie navakolnaha asiarodździa». Tamu my patrabujem pravieści naležnuju pravierku na pradmiet zakonnaści zaklučeńnia dahavora arendy r. Muchaviec», — dadaŭ Ihar Masłoŭski.
Było taksama zajaŭlena ab pačatku kampanii nakiravanaj na viartańnie ŭ ahulnadastupnaje karystańnie ŭčastka raki Muchaviec jaho sapraŭdnym haspadaram — narodu Biełarusi.
Pa słovach palityka, kampaniju padtrymali rehijanalnyja pradstaŭniki «Havary praŭdu!», Biełaruskaha Chielsinskaha Kamiteta, Svabodnaha prafsajuza Biełaruskaha, inicyjatyvy «Naš Horad», žychary Bresta.
Aktyvisty płanujuć arhanizavać šyrokuju hramadskuju kampaniju, zbor podpisaŭ pad zvarotam, inšyja lehalnyja sposaby dla admieny Bresckim rajonnym vykanaŭčym kamitetam damovy na arendu raki Muchaviec.
Kamientary