Ukrainski mastak Juryj Nikicin stvaraje batalnaje pałatno «Pieramoha Kniazia Astrožskaha ŭ bitvie pad Oršaj».
Pra heta 31 žniŭnia paviedamiŭ sajt Rovienskaj abłdziaržadministracyi (ADA).
Mastak abiacaje napisać pałatno za dva tydni. Tvorčy pracess adbyvajecca na vačach hledačoŭ u Rovienskaj halerei jeŭrapiejskaha žyvapisu «Jeŭra-Art».
Nazirać za tvorčym pracesam možna ŭ halerei, abo anłajn na sajcie orshafest.org.ua, žyvyja ŭklučeńni na sajcie adbyvajucca štodzień a 16-j dy a 17:30.
500 hadoŭ tamu, nahadvaje Rovienski aficyjny sajt, «30-tysiačnaje vojska Vialikaha kniastva Litoŭskaha pad kamandavańniem vałynskaha kniazia Kanstancina Astrožskaha prymusiła adstupić 80-tysiačnaje maskoŭskaje vojska. Litoŭskaja armija składałasia z ułasna litoŭskich, biełaruskich, ukrainskich, sierbskich, tatarskich, polskich, vienhierskich i niamieckich atradaŭ».
Jak raspavioŭ kiraŭnik bractva imia kniazioŭ Astrožskich Mikoła Bendziuh, ideja ŭviekaviečyć hetuju pieramohu na pałatnie naležyć Uschodnie-Jeŭrapiejskim forumu «Słava kniazioŭ Astrožskich: 500-hodździe pieramohi pad Oršaj».
«Važna, kab ukraincy čaściej ŭzhadvali svaje pieramohi i papularyzavali ich usimi mahčymymi sposabami», — adznačyŭ na adkryćci mastackaha mierapryjemstva staršynia Rovienskaj ADA Siarhiej Rybačok.
Mastak Juryj Nikicin — udzielnik šmatlikich ukrainskich i mižnarodnych prajektaŭ.
Paśla niepraciahłaha vopytu pracy ŭ kino Juryj Nikicin pieravažna zajmajecca stankovym žyvapisam, ikanapisam i enkaustykaj (vaskovy žyvapis). Kijeŭski mastak raśpisvaje chryścijanskija chramy, jaho pryličvajuć da najlepšych ikanapiscaŭ Uschodniaj Jeŭropy. Taksama Juryj Nikicin vynajšaŭ i ŭdaskanalvaje aŭtarskuju techniku žyvapisu na skury.
Kamientary