Na pieramovach u Minsku sieparatysty pahadzilisia pieradać ŭkrainskamu boku ciahnik z rečami zahinułych pasažyraŭ «Boinha»
Na pieramovach čatyrochbakovaj kantaktnaj hrupy (Ukraina, sieparatysty, Rasija, ABSIE), jakija prajšli 31 lipienia pad Minskam u rezidencyi «Zasłaŭje»,
dasiahnuta damoŭlenaść ab pieradačy bajevikami ŭkrainskamu boku ciahnika z rečami zahinułych pasažyraŭ małajzijskaha «Boinha».
Ab hetym paviedamiŭ na bryfinhu ŭ Kijevie vice-premjer, staršynia dziaržkamisii pa rasśledavańni pryčyn katastrofy Uładzimir Hrojsman.
Raniej siońnia baki damovilisia, što pa maršrucie misii ABSIE da miesca krušeńnia samalota, jaki, pa zajavie Kijeva, źbili sieparatysty, nie buduć vieścisia bajavyja dziejańni. Pavodle Hrojsmana, na svaju ryzyku hrupa mižnarodnych ekśpiertaŭ misii ABSIE, pradstaŭnikoŭ Aŭstralii i Niderłandaŭ upieršyniu za apošnija niekalki dzion dabrałasia da miesca padzieńnia samalota dla praviadzieńnia rasśledavańnia trahiedyi i pošuku cieł.
«Niahledziačy na toje što mižnarodnyja ekśpierty nie atrymali ad bajevikoŭ harantyj biaśpieki raboty ŭ zonie znachodžańnia abłomkaŭ samalota, jany pryniali mužnaje rašeńnie dabracca da miesca katastrofy. Jany trapili na hetuju terytoryju, papracavali tam abmiežavany čas, paśla čaho viarnulisia ŭ Danieck», — skazaŭ vice-premjer.
Čakajecca, što pieramovy kantaktnaj hrupy pradoŭžacca 1 žniŭnia.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi3
Kamientary