Na palihonach Rasii i Kazachstana projduć vučeńni ŭzbrojenych sił dziaržaŭ SND
«Zapłanavanyja sumiesnyja vučeńni ŭzbrojenych sił dziaržaŭ — udzielnic SND «Bajavaja Sadružnaść — 2015» u pieryjad z červienia pa vierasień 2015 hoda pa ŭzhadnieńni bakoŭ», paviedamlaje sajt Ministerstva abarony Biełarusi.
Meta vučeńnia nakiravanaja na rašeńnie častych zadač pa ŭzajemadziejańni pamiž złučeńniami, čaściami, padraździaleńniami vojskaŭ SPA, VPS i srodkaŭ PKA (pavietrana-kaśmičnaj abarony) pa abaronie pavietranych miežaŭ.
Na taktyčnych vučeńniach vykanajuć bajavyja puski ź zienitna-rakietnych kompleksaŭ ZRK S-200, S-75, S-125, «Kruh», «Kub», S-300 pa pavietranych mišeniach.
Radyjotechničnyja padraździaleńnia adpracujuć pytańni viadzieńnia radyjołakacyjnaj vyviedki, vyjaŭleńnia ŭmoŭnaha pavietranaha praciŭnika i celeŭkazańnia, havorycca ŭ paviedamleńni.
Vučeńni na pieršym etapie płanujecca pravieści na palihonie Ašułuk Rasijskaj Fiederacyi ŭ červieni—lipieni 2015 hoda. Jany praduhledžvajuć sumiesnaje prymianieńnie častak VPS Armienii, Biełarusi, Kyrhyzstana, Rasii i Tadžykistana i padrychtoŭku da ŭzajemadziejańnia ŭ składzie kaalicyjnaj hrupoŭki.
Druhi etap płanujecca pravieści ŭ chodzie sumiesnych vučeńniaŭ z bajavoj stralboj na palihonie Saryšahan Kazachstana ŭ ramkach adzinaj sistemy SPA krain ADKB u žniŭni—vieraśni nastupnaha hoda.
Na pačatku lipienia hetaha hoda ŭ Astanie prajšło pasiadžeńnie Savieta ministraŭ abarony SND, u jakim udzielničali delehacyi Azierbajdžana, Armienii, Biełarusi, Kazachstana, Kyrhyzstana, Rasii, Tadžykistana, Uźbiekistana. Ministry abarony SND taksama zaćvierdzili płan sumiesnych mierapryjemstvaŭ uzbrojenych sił na 2015 hod, u tym liku i praviadzieńnie vučeńniaŭ «Bajavaja Sadružnaść — 2015».
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary