Kantužanyja i zmučanyja, jany sami nie mohuć pavieryć, što zastalisia žyvyja.
Padčas boju pad Lisičanskam vajskoŭcami Uzbrojenych Sił Ukrainy ŭziatyja ŭ pałon piaciora terarystaŭ. Jany paŭźli ad pakinutaha błokpasta ŭ bok lesapałasy. Dvoje ź ich — hramadzianie Rasijskaj Fiederacyi.
«Padčas dopytu jany spačatku kazali, što žyvuć i pracujuć u Čyrvonym Limanie i pajšli da sieparatystaŭ dobraachvotnikami. Adnak padčas pieratrusu ŭ adnaho z bandytaŭ vyjavili natatnik. Tam, jak adznačajecca, była napisana «lehienda», jakoj pravadyry «ŁNR» rekamiendavali prykryvacca svaim «padapiečnym» u vypadku ŭziaćcia ŭ pałon. Pałonnyja Pavieł Barysaŭ i Alaksiej Kuimaŭ mieli pry sabie rasijskija dakumienty», — skazana ŭ paviedamleńni.
«Na pytańnie, jak trapili na Danbas, adzin ź ich adkazaŭ, što dałučyŭsia da sieparatystaŭ, kab abaraniać chryścijanskuju vieru. Ad kaho i ad čaho, nie ŭdakładniŭ. Pa patrabavańni pračytać malitvu, uspomniŭ «Ojča naš», adnak na hetym relihijnyja viedy «zmahara» za pravasłaŭje vyčarpalisia. Čamu nie viedaje takich asnoŭ chryścijanstva, jak «Simvał viery», čamu nie zdolny nazvać ni adnaho śviatoha carkvy, rastłumačyć nie zmoh», — padkreślili ŭ pres-centry ATA.
«Inšy pryznaŭsia, što prybyŭ u Rastoŭ-na-Donie z Kabardzina-Bałkaryi ŭ pošukach pracy. Užo na vakzale jaho sustreli i prapanavali mahčymaść dobra padpracavać. Takim čynam amatar chutkich hrošaj apynuŭsia ŭ łahiery pa padrychtoŭcy dyviersantaŭ», — adznačajecca ŭ paviedamleńni.
«Niamała terarystaŭ, pa pryznańni pałonnych, hrošaj nie atrymlivajuć. Zvyčajna, heta ludzi dalokija ad vojska, jakich vykarystoŭvajuć u jakaści «dapamožnaha elemienta». Uziaty ŭ pałon i ich kamandzir pa mianušcy Izrail. Budučy hramadzianinam Izraila, jon vyklikaŭ ščyruju cikavaść śpiecsłužbaŭ», — reziumavali ŭ pres-centry ATA.
Kamientary