U Minsku likvidavali čarhovuju narkałabaratoryju — videa śpiecapieracyi
Jak paviedamili ŭ Ministerstvie ŭnutranych spraŭ, śpiecapieracyju praviali pry ŭdziele bajcoŭ SACHRa.
Narkałabaratoryju trymaŭ 24-hadovy babrujčanin na zdymnaj kvatery. U adnym z pakojaŭ znachodzilisia zavadskoje chimičnaje łabaratornaje abstalavańnie i śpiecpryłady dla vyrabu amfietaminu. Tam zachoŭvałasia bolš za 25 kh roznych reaktyvaŭ, reahientaŭ i prykursaraŭ. Zatrymany mierkavaŭ užo za tydzień vyrabić ź ich 3 kh narkotyku. Taksama jon zachoŭvaŭ 20 hramaŭ užo hatovaha amfietaminu.
Ustanoŭlena, što chłopiec rehularna zdymaŭ kvatery na niepraciahły termin u Minsku i Babrujsku pad narkałabaratoryi. Pad vyhladam pradprymalnika zakupaŭ usie rečyvy ŭ Rasii, a hatovy narkotyk pradavaŭ siarod znajomych i praz sajty. Hrošy atrymlivaŭ na elektronnyja kašalki, a «tavar» pakidaŭ u schovankach.
Zaviedziena kryminalnaja sprava. Chłopcu pahražaje da 13 hadoŭ kałonii.
Kamientary