Śpis varjactvaŭ ludziej efiektna abnaviŭ čylijec Siebaśćian Alvares.
Jon prafiesijna zajmajecca bejsdžampinham: skačkami z roznych vyšynnych budynkaŭ. Ale na hety raz jon vyrašyŭ nie prosta skočyć uniz, a pralacieć, jak ptuška, pamiž chmaračosami, jakija stajać uščylnuju, piša onliner.by.
Dla realizacyi zadumanaha byli vybranyja dva žyłyja vyšynnyja damy na ŭźbiarežžy jaho rodnaha horada Renaka, jakija adzin ad adnaho znachodziacca na adlehłaści ŭsiaho 12 mietraŭ. Kab Alvares zmoh trapić u hety vuzki pralot z pavietra, chłopcam pryjšłosia skinuć jaho z parapłana — z vyšyni prykładna 800 mietraŭ. A dalej jon na vielizarnaj chutkaści paniośsia sam, vyrazna łavirujučy ŭ kaściumie-kryle Vampire 4.
«Ja zaŭsiody ŭ takich vypadkach bajusia, ale nie dazvalaju emocyjam uziać vierch, — raspaviadaje Alvares. — U pavietry ja adčuvaju siabie sfakusavanym i ni na što bolš nie adciahvajusia». Pavodle jaho słoŭ, jon adčuŭ vialikuju palohku, kali ŭsio heta skončyłasia, i byŭ vielmi rady, što ŭsio prajšło paśpiachova.
Kamientary