Jeŭrapiejski sud pa pravach čałavieka (JESPČ) svaim rašeńniem abaviazaŭ Turcyju vypłacić Kipru kampiensacyju za ŭvarvańnie na vostraŭ u 1974 hodzie i jaho padzieł.
Miž tym, jašče da vyniasieńnia takoha rašeńnia ŭłady Turcyi zajavili, što jano nie budzie dla ich «ni abaviazkovym, ni ŭjaŭlać jakoj-niebudź kaštoŭnaści».
Dziaržava-adkazčyk pavinna «na praciahu 3 miesiacaŭ vypłacić dziaržavie-pazoŭniku 30 młn jeŭra, a taksama inšyja padatkovyja vypłaty ŭ jakaści kampiensacyi za pakuty, pryčynienyja siemjam zahinułych», — začytaŭ prysud sudździa Žosief Kasadeval, pieradaje Jeŭrańjus.
U ahulnaj kolkaści JESPČ abaviazaŭ Ankaru vypłacić 90 młn jeŭra, u tym liku 60 młn jeŭra — za maralnuju škodu, pryčynienuju hreka-kipryjotam, jakija pražyvajuć na paŭvostravie Karpas. Raźmiarkoŭvać kampiensacyi ŭpaŭnavažany ŭrad Kipra.
Nahadajem, u 1974 hodzie kirujučyja ŭ Afinach «čornyja pałkoŭniki» abjavili ab dałučeńni Kipra da Hrecyi. Turcyja pad padstavaj abarony tureckaha nasielnictva ŭviała vojska ŭ paŭnočnuju častku vyspy. Utvoranuju tam Tureckuju respubliku Paŭnočnaha Kipra ŭ śviecie pryznała tolki Turcyja. Zhodna z rašeńniem JESPČ,čas, jaki prajšoŭ z momantu padziełu, nie zdymaje z Turcyi adkaznaść.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina22
Kamientary