Еўрапейскі суд па правах чалавека (ЕСПЧ) сваім рашэннем абавязаў Турцыю выплаціць Кіпру кампенсацыю за ўварванне на востраў у 1974 годзе і яго падзел.
Між тым, яшчэ да вынясення такога рашэння ўлады Турцыі заявілі, што яно не будзе для іх «ні абавязковым, ні ўяўляць якой-небудзь каштоўнасці».
Дзяржава-адказчык павінна «на працягу 3 месяцаў выплаціць дзяржаве-пазоўніку 30 млн еўра, а таксама іншыя падатковыя выплаты ў якасці кампенсацыі за пакуты, прычыненыя сем'ям загінулых», — зачытаў прысуд суддзя Жосеф Касадэваль, перадае Еўраньюс.
У агульнай колькасці ЕСПЧ абавязаў Анкару выплаціць 90 млн еўра, у тым ліку 60 млн еўра — за маральную шкоду, прычыненую грэка-кіпрыётам, якія пражываюць на паўвостраве Карпас. Размяркоўваць кампенсацыі ўпаўнаважаны ўрад Кіпра.
Нагадаем, у 1974 годзе кіруючыя ў Афінах «чорныя палкоўнікі» аб'явілі аб далучэнні Кіпра да Грэцыі. Турцыя пад падставай абароны турэцкага насельніцтва ўвяла войска ў паўночную частку выспы. Утвораную там Турэцкую рэспубліку Паўночнага Кіпра ў свеце прызнала толькі Турцыя. Згодна з рашэннем ЕСПЧ,час, які прайшоў з моманту падзелу, не здымае з Турцыі адказнасць.
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні4
Каментары