Achviarami teraktu ŭ kitajskim horadzie Urumčy staŭ prynamsi 31 čałaviek, jašče bolš za 90 atrymali ranieńni. Pra heta paviedamlaje «Sińchua».
U 8 ranicy pa miascovym časie dva aŭtamabili zajechali ŭ natoŭp ludziej na haradskim rynku. Zatym nieviadomyja pačali kidać z mašyny vybuchovyja pryłady. Nieŭzabavie na miescy zdareńnia pačaŭsia pažar.
Ułady KNR ŭžo nazvali heta teraktam. Staršynia KNR Si Czińpin paabiacaŭ pakarać vinavatych.
U aŭtanomnaj akruzie Sińczianie, u jakim raźmieščany Urumčy, za apošni čas adbyłosia niekalki napadaŭ sieparatystaŭ-ujhuraŭ. U kancy krasavika try čałavieki stali achviarami vybuchu na vakzale i jašče 80 byli paranienyja.
Ujhury zmahajucca za niezaležnaść akruhi ad Kitaja. Z kanca 1990-ch hadoŭ u rehijonie dziejničaje radykalnaja hrupoŭka «Isłamski ruch Uschodniaha Turkiestana», aktyvisty jakoj rehularna ładziać terakty na terytoryi kraju.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary