Ukrainski MZS: Zamiežniki, akramia dyviersantaŭ RF, u antyterarystyčnaj apieracyi nie ŭdzielničajuć
Ministerstva zamiežnych spraŭ Ukrainy aficyjna zajaviła Rasii, što padčas antyterarystyčnaj apieracyi (ATA) pravaachoŭnyja orhany Ukrainy nie ŭžyvajuć suprać cyvilnaha nasielnictva ciažkuju, u tym liku rakietnuju techniku.
Heta zajava była ažyćcioŭlena ŭ adkaz na abvinavačvańni rasijskaha boku ŭ kantekście praviadzieńnia Ukrainaj antyterarystyčnaj apieracyi va ŭschodnich abłaściach dziaržavy.
«Nie adpaviadaje rečaisnaści i infarmacyja ab nibyta ŭdziele ŭ apieracyi pradstaŭnikoŭ «Pravaha siektara», jak i lubych inšych cyvilnych farmiravańniaŭ», - adznačyli ŭ MZS.
U viedamstvie padkreślili, što hetaja apieracyja pravodzicca vyklučna siłami SBU, Minabarony, MUS i Nachvardyi ŭ režymie ahulnaha štabnoha kamandavańnia.
«Razam z tym, mienavita kantralavanyja Rasijaj terarysty i bajeviki vykarystoŭvajuć suprać sił antyterarystyčnaha centra hranatamioty, ciažkuju techniku i inšyja vidy vajskovaha ŭzbrajeńnia», — zapeŭnili i viedamstvie.
Paćviardžeńniem hetaha, pavodle infarmacyi MZS, źjaŭlajecca źbity z dapamohaj sistemy «PZRK» viertalot, jaki ładziŭ naziralny ablot terytoryi.
Taksama «cyničnymi i biespadstaŭnymi» nazvali ŭkrainskija dypłamaty śćviardžeńnie ab nibyta ŭdziele ŭ ATA «anhłamoŭnych inšaziemcaŭ».
«Nijakija zamiežnyja hramadzianie, akramia paćvierdžanych faktaŭ udziełu ŭ pravakacyjach rasijskich dyviersantaŭ, u apieracyi nie brali i nie biaruć udzieł», — skazali ŭ viedamstvie.
U MZS taksama nahadali, što ŭ pałonie ŭ terarystaŭ zastajucca zakładniki, u tym liku anhłamoŭnyja zamiežnyja naziralniki i žurnalisty, dla vyzvaleńnia jakich Rasija nie zrabiła nijakich realnych namahańniaŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary