Rasijska-amierykanski historyk Juryj Fialštynski ŭ intervju polskaj i ŭkrainskaj presie 16 krasavika vykazaŭ dumku, što nastupnym krokam pucinskaj palityki budzie dałučeńnie Biełarusi. Intervju vystaviŭ 25 krasavika ŭ svaim błohu Andrej Iłaryjonaŭ.
«Krym — heta pieršy etap vialikaha płana. Luby vialiki płan składajecca ź niekalkich častak.
Adna ź ich, viadoma ž, dałučeńnie Ukrainy da Rasii. Jość častka pa dałučeńni Biełarusi. Jość i niejkija inšyja častki, pra jakija my možam tolki zdahadvacca.
Naprykład, davoli šmat u apošni čas aficyjnyja asoby Rasii kažuć ab Prydniastroŭi, a tudy inakš jak praz Ukrainu nie patrapić. (…)
Na chvali hramadzianskaj vajny rasijskaja armija ŭvojdzie va Ukrainu, jak uvajšoŭ Stalin va ŭschodniuju Polšču, «vyzvalajučy» ŭkrainskich i biełaruskich bratoŭ ad polskaha pryhniotu. Nastupnaja zadača — dałučeńnie Biełarusi.
Ale hetaja zadača, jak zdajecca Kramlu, vielmi prostaja. Biełaruś nikoli nie była niezaležnaj dziaržavaj, i heta budzie adnym z hałoŭnych arhumientaŭ Kramla.
Stratehična Biełaruś daje vielmi važnyja dla Rasii vychady da ŭschodniejeŭrapiejskich miežaŭ. Heta i Litva, i Zachodniaja Ukraina, i Polšča. Tak što try hieapalityčnyja zadačy Pucina ŭžo paznačanyja: Ukraina, Biełaruś i Małdova (Prydniastroŭje).
Arhanizavać biesparadki ŭ Biełarusi budzie vielmi prosta. Łukašenka na Zachadzie nie papularny, jaho abaraniać nichto nie budzie.
Samastojna vystajać i vyžyć u jaho šancaŭ niama. H.zn. na samaj spravie jon isnuje tolki da taho času, pakul Pucin jamu dazvalaje isnavać. Łukašenka heta sam razumieje. Niama sastupak, jakija jon moh by zrabić i jakija b Pucin pryniaŭ jak płatu za zachavańnie niezaležnaj Biełaruśsiu.
Zachop Biełarusi možna ažyćciavić za vielmi karotki termin.
Kali Biełaruś budzie zachoplena, možna adrazu ŭvachodzić u Zachodniuju Ukrainu, h.zn. taptać tankami nie Uschodniuju Ukrainu, a Zachodniuju. Tak što Krym byŭ pieršym vitkom ahresii.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary