U studzieni—lutym 2014 hoda tavaraabarot Biełarusi z Ukrainaj skaraciŭsia na 17,1% u paraŭnańni z anałahičnym letašnim pieryjadam, śviedčać źviestki aficyjnaj statystyki.
U studzieni—lutym hetaha hoda Ukraina źjaŭlałasia druhim pa vieličyni (paśla Rasii) handlovym partnioram Biełarusi. Za pieršyja dva miesiacy hetaha hoda tavaraabarot pamiž Biełaruśsiu i Ukrainaj skłaŭ 771,9 młn. dołaraŭ i źniziŭsia na 17,1% u paraŭnańni z anałahičnym letašnim pieryjadam.
Pry hetym ekspart biełaruskich tavaraŭ va Ukrainu za hety pieryjad skłaŭsia na ŭzroŭni 554,4 młn. dołaraŭ i źniziŭsia na 9% u paraŭnańni sa studzieniem—lutym 2013 hoda. Razam z tym impart tavaraŭ z Ukrainy skłaŭ 217,4 młn. dołaraŭ i skaraciŭsia ŭ paraŭnańni sa studzieniem—lutym 2013 hoda na 32,5%.
U 2013 hodzie tavaraabarot Biełarusi z Ukrainaj skłaŭ 6,25 młrd. dołaraŭ.
Pa vieličyni tavaraabarotu Ukraina zaniała druhoje miesca ŭ śpisie amal sa 180 krain, ź jakimi letaś handlavała Biełaruś.
U handli z Ukrainaj Biełaruś maje ŭstojlivaje stanoŭčaje salda, jakoje źjaŭlajecca vynikam taho, što biełaruski ekspart (u 2013 hodzie — 4,2 młrd. dołaraŭ) pieravyšaje ŭkrainski impart (abjom pastavak za 2013 hod — 2,06 młrd. dołaraŭ). Amal 70% biełaruskaha ekspartu va Ukrainu ŭ 2013 hodzie prypali na naftapradukty.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj17
Kamientary