Na Mienskaj abłasnoj stancyi kryvi, jakaja mieścicca ŭ Maładziečnie, mienšajuć zapasy kryvi — pieradusim pieršaj i druhoj hrupy z admoŭnym rezus‑faktaram.
Hrupa donaraŭ ź Biełarusi nakiravała zvarot u PARE. Atrymany adkaz, što sytuacyja «pilna vyvučajecca».
Viestka sa Strasburhu supała pa časie z zajavaj zahadčycy adździełu kamplektavańnia donarskaj kryvi Natalli Hvaździckaj. Jana paviedamiła žurnalistam, što na Mienskaj abłasnoj stancyi kryvi, jakaja mieścicca ŭ Maładziečnie, mienšajuć zapasy kryvi — pieradusim pieršaj i druhoj hrupy z admoŭnym rezus‑faktaram.
— My ŭžo stracili kala čverci svaich donaraŭ, — kaža spadarynia Natalla, — ludzi kryŭdziacca na skasavańnie ilhotaŭ. I čym bližej da 16 śniežnia, tym mienš achvotnych zdavać svaju kroŭ. Što budzie paśla — uvohule nieviadoma.
16 śniežnia 2007 hodu ŭ Biełarusi nabyvaje jurydyčnuju siłu zakon «Ab uparadkavańni lhot asobnym katehoryjam hramadzian». U adpaviednaści ź hetym dakumentam donary hublajuć 50‑pracentnuju skidku na zubapratezavańnie, 50‑pracentnuju apłatu koštu lekaŭ i ilhoty pa sanatorna‑kurortnamu lačeńniu.
U Biełarusi 20 stancyjaŭ i 41 adździaleńnie pieralivańnia kryvi. Pavodle narmatyvaŭ Ministerstva achovy zdaroŭja, kožnaja ź ich musić mieć stabilny zapas usich kampanentaŭ kryvi. Kaardynuje hetuju pracu respublikanski navukova‑praktyčny centar hiematalohii, a persanalna — namieśnik dyrektara Eśfir Śvirnoŭskaja. Jana aściarožna kaža pra skarhi na straty kryvi nia tolki na Mienščynie, ale i ŭ Homielskim, Viciebskim dy Mahiloŭskim rehijonach.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi3
Kamientary