Siepararysty, jakija zachapili Danieckuju abłasnuju radu, zajavili pra stvareńnie Niezaležnaj Danieckaj respubliki. Heta rašeńnie było pryniata na pazačarhovaj siesii samaabvieščanaj «narodnaj rady» Danieckaj vobłaści i abvieščana viadučym udzielnikam mitynhu la ścien budynka abłasnoj rady.
Live streaming video by Ustream
Vystupoŭca abviaściŭ, što z hetaha momantu stvorana Niezaležnaja Danieckaja respublika. «Z hetaha času Danieckaja vobłaść źjaŭlajecca niezaležnaj respublikaj. Ura!».
Natoŭp sustreŭ hetuju zajavu avacyjami i krykami «Rasija, Rasija». Paźniej vystupoŭca dadaŭ, što hetaje rašeńnie pryniata na pazačarhovaj siesii.
Paźniej «narodnaja rada» pryniała jašče adno — rašeńnie — ab uvachodžańni znoŭ stvoranaj respubliki ŭ skład Rasii. Mitynhoŭcy sustreli hetuju infarmacyju krykami: «Pucin, dapamažy!»
Jak paviedamlałasia raniej, sieparatysty patrabavali pryniać dadzienaje rašeńnie na lehitymnaj siesii abłasnoj rady, adnak deputaty nie sabralisia, tamu ich «pazbavili» mandataŭ i «sfarmiravali» «narodnuju abłasnuju radu».
U ciapierašni čas z fłahštoka kala abłasnoj rady źniaty ściah Danieckaj vobłaści i zamienieny na ściah «Danieckaj respubliki».
Mitynhoŭcy praciahvajuć umacoŭvać barykady, padvoziać aŭtamabilnyja šyny. Sa sceny prosiać ab dapamozie transpartam. Pobač z barykadami stajać bočki z haručaj sumieśsiu, i jak zajaviŭ adzin z aktyvistaŭ, jany hatovyja ŭ vypadku nieabchodnaści ich padpalić.
Refierendum ab statusie rehijona pryznačyli na 11 maja.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS11
Kamientary