U Mahiloŭskim abłsudzie 1 krasaviku pačalisia sprečki pa spravie byłoha staršyni Homielskaha harvykankama Viktara Pilipca.
Nahadajem, 4 Listapadzie 2013 h. Mahiloŭski abłsud pačaŭ razhlad spravy ŭ dačynieńni da słužbovych asob Homielskaha harvykankama. Abvinavačanyja ŭ vieraśni — kastryčniku 2011 hoda niezakonna raźmierkavali pamiž saboj, svaimi svajakami, blizkimi i znajomymi 24 kvatery, jakija potym pradali pa canie značna nižej rynkavaj. Častka žyłych pamiaškańniaŭ aformili na padstaŭnych asob.
U jakaści abvinavačanych, akramia Pilipca, taksama vystupajuć dyrektar upraŭleńnia kapitalnaha budaŭnictva Homiela Ihar Adarčienko, jaho namieśnik Valeryj Barysievič, načalnik žyllova-inviestycyjnaha adździeła Antanina Zielanok i načalnik płanava-dahavornaha adździeła Ała Nizkoŭskaja. Nichto ź ich raniej da kryminalnaj adkaznaści nie pryciahvaŭsia. Nichto z abvinavačanych svajoj viny nie pryznaŭ.
«Vina padsudnych paćviardžajecca dokazami», — zajaviŭ na siońniašnim pasiadžeńni dziaržaŭny abvinavaŭca Dzianis Kičyhin. Pavodle jaho słovaŭ, inkryminujemyja čynoŭnikam ciažkija złačynstvy byli ździejśnieny ŭ zmovie, pry abciažarvajučych abstavinach.
Advakaty prasili sud vynieści apraŭdalny prysud ich padabaronnym. Sprečki praciahnucca 2 krasavika.
Kamientary