A pakul što Biełaruś — adzinaja kraina va Uschodnim partniorstvie, dzie za šenhienskuju vizu nasielnictva płacić 60, a nie 35 jeŭra.
Praciahvajucca kansultacyi Minska z Bruselem ab spraščeńni vizavaha režymu i readmisii, paviedamiŭ 27 sakavika na bryfinhu Minsku pres-sakratar MZS Biełarusi Dźmitryj Mirončyk.
«My ličym, što znachodzimsia ŭ hrafiku prasoŭvańnia abmierkavańnia hetaha pytańnia, jaki baki dla siabie vyznačyli», — adznačyŭ jon.
«Pakul niejkich śpiecyjalnych raŭndaŭ pieramoŭ nie pryznačałasia, ale abmien mierkavańniami, praca nad tekstami pahadnieńniaŭ ab ablahčeńni vizavaha režymu i ab readmisii viadziecca jak biełaruskim, tak i jeŭrapiejskim bakami», — paviedamiŭ pres-sakratar.
Nahadajem, Saviet ministraŭ ES jašče ŭ červieni 2011 hoda zaprasiŭ Biełaruś da pačatku pieramoŭ ab spraščeńni vizavaha režymu. Saviet ES nieadnarazova zaklikaŭ biełaruskija ŭłady pačać pieramovy. U listapadzie 2013 hoda na samicie Uschodniaha partniorstva ŭ Vilniusie ministr zamiežnych spraŭ Uładzimir Makiej zajaviŭ, što Biełaruś hatova pačać pieramovy pa pahadnieńniach ab spraščeńni vizavaha režymu i ab readmisii.
Pieršy raŭnd pieramoŭ prajšoŭ u Bruseli ŭ kancy studzienia 2014 hoda.
Pahadnieńni ab spraščeńni vizavaha režymu ź ES užo padpisany ŭsimi krainami Uschodniaha partniorstva i Rasijaj. Ciapier Biełaruś — adzinaja kraina UP, hramadzianie jakoj vymušany płacić za šenhienskuju vizu nie 35, a 60 jeŭra.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary