U niadzielu ŭ telefonnaj razmovie z prezidentam Rasii Uładzimiram Pucinym kancler Niamieččyny Anhieła Mierkiel paprasiła jaho nie sprabavać destabilizavać Małdovu, paviedamiŭ na kanfierencyi ŭ paniadziełak jaje pamočnik Štefan Sajbiert.
U niadzielu hienierał Filip Brydłaŭ, kamandujučy siłami ZŠA i NATA ŭ Jeŭropie, papiaredžvaŭ, što Rasija naroščvaje kancentracyju svaich vojskaŭ pobač z uschodniaj miažoj Ukrainy i jany mohuć uvajści ŭ Prydniastroŭje. Na minułym tydni ŭłady hetaha rehijonu aficyjna źviarnulisia da Dziarždumy RF z prapanovaj pošuku mahčymaści ŭvachodžańnia ŭ skład Rasii.
Taksama Sajbiert zajaviŭ, što padčas razmovy lidery Rasiei i Niamieččyny padtrymali rašeńnie ABSIE ab adpraŭcy manitorynhavaj misii na Ukrainu. Jon nazvaŭ hetaje rašeńnie krain-siabraŭ ABSIE, u tym liku Rasii, Ukrainy i ZŠA, «pieršym krokam dla abarony ad dalejšych krokaŭ». Tym nie mienš Mierkiel paŭtaryła, što Hiermanija zachoŭvaje svaju pazicyju i nie budzie pryznavać aneksiju Kryma, skazaŭ Sajbiert.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja11
Kamientary