Saviet Fiederacyi Rasii acharaktaryzavaŭ toje, što adbyvajecca va Ukrainie, jak masavyja biesparadki. Takaja farmuloŭka ŭtrymlivajecca ŭ zajavie pa Ukrainie, pryniataj vierchniaj pałataj rasijskaha parłamienta 29 studzienia.
Sienatary adznačyli svaju zaniepakojenaść situacyjaj va Ukrainie. Na ich dumku, toje, što adbyvajecca ŭ krainie, nie maje ničoha ahulnaha ź mirnymi akcyjami pratestu i ŭjaŭlaje saboj «dobra arhanizavanuju kampaniju, nakiravanuju na dyskredytacyju i źviaržeńnie lehitymnaj ułady».
«Pahromy i padpały ŭ Kijevie i inšych ukrainskich haradach, šturm administracyjnych budynkaŭ, ahresiŭnyja dziejańni suprać sił pravaparadku, jakija pryviali da čałaviečych achviar i značnaha liku paciarpiełych, adbyvajucca z adabreńnia tych, chto vyvieŭ ludziej na vulicy», — adznačajecca ŭ zajavie.
Sienatary taksama abvinavacili zachodnich palitykaŭ va ŭmiašańni va ŭnutranyja spravy Ukrainy i naŭmysnaj destabilizacyi abstanoŭki ŭ krainie.
Kamientary