Navumčyk: Vyvad jadziernaj zbroi ź Biełarusi za ništo — najbolšaja pamyłka pačatku 90-ch
«Samaj vialikaj pamyłkaj pačatku 90-ch ja liču vyvad ź Biełarusi jadziernaj zbroi pa madeli, jakuju Zachad naviazaŭ Šuškieviču, a Šuškievič — Viarchoŭnamu Savietu, — piša ŭ svaim Fejsbuku były deputat VS CHII sklikańnia Siarhiej Navumčyk.
— Tak, zbroju treba było vyvodzić (i radok pra biaźjadziernaść u Dekłaracyi ab suverenitecie – moj), ale — na vyhadnych dla Biełarusi ŭmovach (siarod jakich, nie vyklučana, — i biaźvizavy, albo ablehčany ŭjezd). Ale ŭ kancy śniežnia 1991 u Ałma-Acie Šuškievič, nie paraiŭšysia z členami biełaruskaj delehacyi, biez usialakich umoŭ pahadziŭsia pryznać Rasieju pravapierajemnicaj SSSR u AAN (na miesca ŭ Radzie Biaśpieki pretendavała Japonija) i — ułaśnicaj jadziernaj zbroi.
«My adčuli sapraŭdny šok. Vychodziła, što Šuškievič nas prosta zdaŭ! Zdaŭ nacyjanalnyja intaresy Biełarusi, jakaja adnym macham straciła hałoŭny kozyr na pieramovach z Rasijaj… Viadoma, jon nie mieŭ prava prymać takija rašeńni, nie paraiŭšysia z usim składam delehacyi… Pamiataju, ja nakinuŭsia na śpikiera, sprabujučy rastłumačyć jamu, što jon narabiŭ, ale Šuškievič ŭ adkaz tolki miamliŭ niešta nievyraznaje… Druhim čałaviekam, jaki całkam uśviadomiŭ usiu dramatyčnaść taho, što adbyvajecca, byŭ moj daŭni apanient Zianon Paźniak. Jon chmurna naziraŭ za našaj svarkaj i, skrušna ŭzdychnuŭšy, kinuŭ takuju frazu: «Šuškievič nie kłapocicca ab dziaržaŭnych intaresach Baćkaŭščyny!» — pryhadvaje tahačasny ministar zamiežnych spraŭ Piatro Kraŭčanka («Biełaruś na rostaniach», staronki 185—186)».
Cytujučy dalej Kraŭčanku, Navumčyk adznačaje, što Biełaruś «addała» Rasii 72 rakiety SS-25, a ź inšych rakiet zabrali ŭran, jaki Maskva pradała ZŠA za 10 młrd dalaraŭ. Biełaruś ža atrymała ŭsiaho niekalki miljonaŭ na vyvaz tych samych rakiet i ekałahičnuju apracoŭku ziamli.
«Cikava, što ŭžo pry Łukašenku, u 1996-m, Miensk vyciahnuŭ u Maskvy adzin miljard dalaraŭ kampiensacyi za ŭran, — adznačaje Navumčyk. — Kab toj samy miljard Biełaruś atrymała ŭ 1992-1993 hodzie — ekanamičnaja sytuacyja była b značna lepšaj, nie było b toj «mutnaj vady», ź jakoj vylez u prezidenty Łukašenka».
A Vy što dumajecie pra tuju histaryčnuju situacyju? Vykazvajciesia ŭ kamientach.
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary