Inžyniera «Mahiloŭabłaŭtatransa» pakarali za adkaz na ruskaj movie
Piśmovy zvarot, jaki jon razhladaŭ, byŭ biełaruskamoŭnym.
Ihar Barysaŭ z Mahilova atrymaŭ adkaz z «Mahiloŭabłaŭtatransu». Ź lista vynikaje, što viadučy inžyner pradpryjemstva Aržańnikaŭ pryciahnuty da dyscyplinarnaj adkaznaści. Jamu abvieščanaja zaŭvaha za toje, što toj na biełaruskamoŭny zvarot, dasłany Iharam Barysavym, daŭ adkaz na rasiejskaj movie.
Dva miesiacy tamu Ihar Barysaŭ dasłaŭ zvarot u «Mahiloŭabłaŭtatrans» z nahody taho, što ŭ Mahilovie kiroŭcy niekalkich aŭtobusaŭ hramadzkich maršrutaŭ mieli ściažki Rasiei na łabavym škle svajho transpartu. U zvarocie ŭtrymlivałasia patrabavańnie prybrać ściažki.
«Adkaz pryjšoŭ na rasiejskaj movie. Adnak jon byŭ stanoŭčy, u im śćviardžałasia, što z kiroŭcami praviedzienyja prafilaktyčnyja razmovy, im zahadana prybrać nia tolki ściažki, ale taksama emblemy i vympieły. A ŭ vypadku, kali jany nie pahodziacca heta zrabić, ich abiacali pryciahnuć da dyscyplinarnaj adkaznaści.
Ale mnie nie spadabałasia toje, što ja źviartaŭsia pa-biełarusku, a adkaz pryjšoŭ na rasiejskaj movie.
Ja chacieŭ iści ŭ sud. Ale miascovyja pravaabaroncy paraili źviarnucca spačatku ŭ vyšejstajačuju instancyju. Tady ja napisaŭ dva listy — u Ministerstva transpartu i ŭ Mahiloŭski abłvykankam. U listach ja źviartaŭ uvahu na toje, što na biełaruskamoŭny list pryjšoŭ rasiejskamoŭny adkaz», — kaža Ihar Barysaŭ.
Jon adznačyŭ, što zadavoleny vynikam svajho zvarotu:
«Dumaju, što nastupnym razam, kali pryjdzie zvarot na biełaruskaj movie, to hetaja słužbovaja asoba budzie vymušanaja adkazvać pa-biełarusku, kali nia choča być pakaranaj rublom. A nastupny zvarot užo nie za harami — ja znoŭ staŭ zaŭvažać rasiejskuju symboliku na łabavym škle hramadzkaha transpartu. Budziem takim čynam vučyć čynoŭnikaŭ biełaruskaj movie».
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary