Biełaruskija turysty, abrabavanyja ŭ hreckim hateli, praz hod atrymali hrašovuju kampiensacyju ad minskaj turfirmy

U hučnaj historyi z abrabavanymi ŭ Hrecyi turystami narešcie možna stavić kropku. Na dniach siamja Zabłockich atrymała hrošy, jakija pa rašeńni suda im vypłaciła turystyčnaja kampanija «Bonus Trevieł», jakaja adpraviła ich na niaščasny adpačynak. Niahledziačy na toje, što sudovyja spravy, jakija doŭžylisia niekalki miesiacaŭ, zaviaršylisia na karyść turystaŭ jašče ŭ studzieni, amal hod turfirma asprečvała rašeńnie suda ŭ vyšejšych instancyjach. Jak akazałasia, biezvynikova.

Nahadajem, što ŭ žniŭni minułaha hoda hrecki hatel Olimpian Bay Holiday Club 4 *, u jakim adpačyvała siamja minčukoŭ, padvierhnuŭsia masavamu rabavańniu. Ad kradziažoŭ tady paciarpieli turysty ź Biełarusi, Ukrainy i Rasii. Tak, užo na druhi dzień adpačynku numar, dzie adpačyvali biełarusy, byŭ ŭzłamany: rabaŭniki pierieryli ŭsie asabistyja rečy turystaŭ i vynieśli z saboj siejf, u jakim turysty zachoŭvali hrošy, bankaŭskija kartki, pravy kiroŭcy i videakamieru. Pry hetym administracyja hatela nijak nie padtrymała adpačyvalnikaŭ z dvuma pieriepałochanymi dziećmi — pakul u numary pracavała palicyja, ich paprostu pakinuli načavać u kalidory. Admoviłasia pajści nasustrač paciarpiełym i kampanija, u jakoj turysty zahadzia kupili ekskursijnyja tury na 700 jeŭra (viarnuć hetyja hrošy nie ŭdałosia). Biełaruskaja turfirma, u jakoj Zabłockija nabyli pucioŭki ŭ Hrecyju, nijakaha sadziejničańnia im taksama nie akazała. U vyniku, viarnuŭšysia z «adpačynku», turysty vyrašyli źviarnucca ŭ sud. Asnoŭnaja pretenzija — niajakasnaje akazańnie turystyčnych pasłuh, u vyniku jakich była naniesiena maralnaja i materyjalnaja škoda. Sudovyja spravy doŭžylisia niekalki miesiacaŭ. U vyniku, nieadnaznačny praces, jaki vyklikaŭ mnostva sprečak i nahladna prademanstravaŭ ceły šerah «biełych plam» u zakanadaŭstvie, zaviaršyŭsia na karyść turystaŭ. Sud pastanaviŭ, što turfirma pavinna pakryć turystam faktyčna paniesieny ŭron, jaki skłaŭ kala 45 miljonaŭ rubloŭ (razam z sudovymi vydatkami). Pryčyna — nievykanańnie turfirmaj normaŭ, prapisanych u zakonie, a mienavita — niezabieśpiačeńnie biaśpieki ŭ śfiery turyzmu. Tady pradstaŭniki kampanii «Bonus Trevieł» ź vierdyktam nie pahadzilisia i jašče amal hod asprečvali jaho ŭ vyšejšych instancyjach. Kančatkovuju kropku ŭ spravie na dniach pastaviŭ Minski haradski sud: sudovaje rašeńnie pakinuta bieź źmieny.

Jak raspaviała TIO.BY Natalla Zabłockaja, u dadzieny momant turfirma ŭžo pieraviała im usio hrošy. Častku hrašovaj sumy turysty, jak i źbiralisia, vydatkavali na dabračynnaść — 24 śniežnia jany pieradaduć u Centr karekcyjna-raźvićciovaha navučańnia i reabilitacyi № 2 Frunzienskaha rajona Minska kampjutar i pryntar. Darečy, arhanizoŭvać svoj adpačynak Zabłockija ciapier starajucca samastojna — u hetym hodzie jany ŭžo pabyvali ŭ Partuhalii i Charvatyi.

• 0
• 0
• 0
• 0
• 0
• 0
• 0
• 0