Albom biełaruskaha šansona vyjšaŭ. Supolnaja praca Vajciuškieviča, Hienadzia Buraŭkina i (na adnu pieśniu) Uładzimira Niaklajeva — zbornik časam turemnych, časam humarystyčnych, a časam prosta kranalnych pieśniaŭ.
«Heta pieśni pra čałavieka za sorak, jaki razumieje, što niapravilna pražyŭ žyćcio, — kaža Vajciuškievič. — Kali ŭ internecie źjavilisia pieršyja pieśni z «Varanka», mnie patelefanavali kabackija muzyki z Mahilova, jakija pytalisia, ci možna im śpiavać hetyja pieśni».
Adnak šanson ad Vajciuškieviča i Buraŭkina nadta intelihientny.
Heta muzyka, jakaja moža hučać i ŭ mahiloŭskim kabaku, i ŭ DK na kłasičnym kancercie Vajciuškieviča. Mocnyja momanty — «Dačakajsia, matula», humarystyčnaja «Ryzykanty» i jašče niekalki pieśniaŭ mahli b trapić u ratacyju na «Radyjo Šanson».
Ale kuplajučy «Varanok», nie raźličvajcie pačuć na im biełaruski anałah «Murki» ci «Raz u Rastovie-na-Donie», hetaha tam nie budzie. Siarod mocnych momantaŭ alboma – udzieł duchavoj siekcyi Apple Tea i najlepšaha džazavaha pijanista krainy Alaksieja Haračaha, jaki pieraŭtvaryŭ pieśniu «Badziahi» ledź nie ŭ novaarleanski pachavalny marš.
Žyvaja prezientacyja «Varanka» adbudziecca 12 śniežnia na «Art-Siadzibie».
Kamientary