Za ŭtojvańnie dziedaŭščyny źniaty kamandzir Słonimskaj bryhady
Pra heta paviedamiŭ načalnik Hienštabu hienerał-lejtenant Siarhiej Huruloŭ.
Za ŭtojvańnie fakta niestatutnych adnosinaŭ adchileny ad pasady kamandzir 11-j asobnaj miechanizavanaj bryhady (Słonim) i šerah jaho padnačalenych. Pra heta 3 kastryčnika ŭ hutarcy z žurnalistami paviedamiŭ načalnik Hienieralnaha štaba Uzbrojenych sił Biełarusi hienierał-lejtenant Siarhiej Huruloŭ. Pavodle jaho słoŭ, takoje kadravaje rašeńnie było pryniata na apošnim pasiadžeńni kalehii Ministerstva abarony ŭ vieraśni.
"Prablema dziedaŭščyny va Uzbrojenych siłach nie staić. Chacia fakty niestatutnych adnosinaŭ jość. Heta značyć, ludzi ŭžyvajuć nie tuju leksiku, nie tyja dziejańni. My heta nie ŭtojvajem. Dla nas heta sapraŭdy baluča. My nie zmahajemsia z kolkaściu złačynstvaŭ. My ŭžo zmahajemsia, kab kamandziry prymali adekvatnyja miery, a jašče lepš — papieradžalnyja. Kamandzir 11-j bryhady i šerah jaho padnačalenych ad pasady adchileny tamu, što mier nie pryniali i bolš taho, utaili złačynstva", — skazaŭ S.Huruloŭ.
Pry hetym, pavodle słoŭ načalnika Hienštaba, va Uzbrojenych siłach "nazirajecca žorstkaja, dakładnaja, ustojlivaja tendencyja da źnižeńnia złačynnaści". Kaeficyjent złačynnaści (kolkaść złačynstvaŭ na 1.000 vajskoŭcaŭ) za dzieviać miesiacaŭ 2007 hoda skłaŭ 2,8. Jak paviedamlaŭ BiełaPAN, pa vynikach 2006 hoda hety pakazčyk byŭ na ŭzroŭni 4,2, u 1994 hodzie — 10,9.
Kali kazać ab vajskoŭcach terminovaj słužby, to takoj tendencyi, jak zaznačyŭ S.Huruloŭ, udałosia dasiahnuć u pieršuju čarhu za košt jakaści adboru pry pryzyvie.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
Kamientary