Ułady PAR abviaścili, što pieršy čarnaskury prezident krainy, łaŭreat Nobieleŭskaj premii miru Nelsan Mandeła pamior na 96-m hodzie žyćcia.
Dziejučy kiraŭnik dziaržavy Džejkab Zuma vykazaŭsia pra jaho, jak pra baćku nacyi.
Lidary viadučych krain śvietu vykazvajuć spačuvańni narodu Paŭdniovaj Afryki.
Mandeła pamior u svaim domie ŭ Jochanesburhu, dzie sabralisia členy jaho siamji. Jon doŭha chvareŭ. Dva dni tamu jaho dačka Makazivie Mandeła raspaviała, što jon znachodzicca pry śmierci, ale praciahvaje mužna supraciŭlacca śmierci.
Prezident Zuma skazaŭ, što Mandeła bolš, čym chto-niebudź inšy, uvasablaŭ saboj nacyjanalnaje adzinstva Paŭdniovaj Afryki.
Pa słovach prezidenta, usie ściahi ŭ krainie buduć pryspuščany da pachavańnia Mandeły. Jon budzie pachavany ź dziaržaŭnymi ŭšanavańniami jak baćka nacyi.
U vieraśni Mandełu vypisali z balnicy, dzie jon prachodziŭ lačeńnie ad pnieŭmanii, i z taho času jon znachodziŭsia doma, dzie za im byŭ arhanizavany pastajanny dohlad.
Nelsan Mandeła — viadomy zmahar z aparteidam, pravioŭ u turmie 27 hadoŭ. U 1993 atrymaŭ Nobieleŭskuju premiju miru, u 1994—1999 — prezident PAR.
Vielizarnyja natoŭpy ludziej unačy sabralisia vakoł doma Mandeły, mnohija śpiavajuć pieśni časoŭ baraćby z aparteidam. Ludzi, jakija sabralisia pryviali z saboj i dziaciej.
Paŭdniovaafrykancy, roznyja pa koleru skury, hłyboka zasmučanyja śmierciu čałavieka, jakoha jany nazyvajuć vyzvalalnikam.
Pieršy čarnaskury prezident ZŠA Barak Abama skazaŭ, što Nelsan Mandeła «dasiahnuŭ u žyćci bolšaha, čym možna čakać ad luboha inšaha čałavieka - jon achviaravaŭ svajoj svabodaj dziela svabody naroda».
Brytanski premjer-ministr Devid Kemieran zajaviŭ, što zhasła vialikaja krynica śviatła dla ŭsiaho čałaviectva.
Jon rasparadziŭsia pryspuścić ściah nad svajoj rezidencyjaj na Daŭninh-stryt.
Były prezident ZŠA Džordž Buš-małodšy zajaviŭ: «Prezident Mandeła byŭ vialikim zmaharom za svabodu i roŭnaść. Jon nios svaju nošu z hodnaściu, i naš śviet staŭ lepš dziakujučy jahonamu prykładu».
Prync Uiljam nazvaŭ Nelsana Mandełu «niezvyčajnym čałaviekam, jaki natchniŭ mnohich ludziej». «Heta vyklučna sumnaja i trahičnaja navina», — skazaŭ jon pra śmierć eks -prezidenta PAR.
Žyćcio i baraćba Nelsana Mandeły
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami53
Kamientary