Janukovič abiacaje «ŭsio ad jaho zaležnaje» dla zbližeńnia ź ES
Prezident Ukrainy Viktar Janukovič zajaŭlaje, što zrobić usio mahčymaje dla paskareńnia pracesu zbližeńnia Ukrainy ź Jeŭrasajuzam.
«Zrablu ŭsio, što ad mianie zaležyć, dla paskareńnia pracesu zbližeńnia Ukrainy ź Jeŭrapiejskim sajuzam, nie dapuściŭšy pry hetym surjoznych strataŭ našaj ekanomiki i paharšeńnia žyćciovaha ŭzroŭniu hramadzian», — havorycca ŭ zvarocie kiraŭnika dziaržavy z nahody hadaviny refierendumu 1 śniežnia 1991 hoda.
Pakolki chakiery ŭzłamali sajt prezidenta Ukrainy, administracyja pieradaje zvarot praź dziaržaŭnaje ahienctva «Ukrinform».
«My pavinny kiravacca vyklučna nacyjanalnymi intaresami, być adkaznymi za ŭłasnuju budučyniu. My pavinny abaranić svaju krainu na palityčnaj karcie Jeŭropy i śvietu jak vialikuju i sapraŭdy niezaležnuju dziaržavu», — dadaŭ jon.
Pa słovach Janukoviča, Ukraina zrabiła svoj hieapalityčny vybar. «My — jeŭrapiejski narod, i šlach naš vyznačany histaryčna. Adnak, pa maim hłybokim pierakanańni, intehravacca ŭ sadružnaść jeŭrapiejskich nacyj naša dziaržava jak raŭnapraŭny partnior, jakoha pavažajuć ź jakim ličacca», — padkreśliŭ kiraŭnik dziaržavy.
Kamientary