ŁDP: Dziejańni minskaha skurałupa pavinny kvalifikavacca pavodle artykuła Kryminalnaha kodeksa
Dziejańni minskaha skurałupa pavinny kvalifikavacca Śledčym kamitetam pavodle č. 1 art. 339 Kryminalnaha kodeksa «Chulihanstva», bo heta «naŭmysnyja dziejańni, jakija hruba parušajuć hramadski paradak i pavodle svajho źmiestu adroźnivajucca vyklučnym cynizmam».
Pra heta zajaviŭ namieśnik staršyni Libieralna-demakratyčnaj partyi Aleh Hajdukievič, kamientar jakoha raspaŭsiudziła pres-słužba partyi.
Jon taksama adznačyŭ, što «dziejańni skurałupa prasiaknuty asablivym hrebavańniem hramadskaj marallu».
Namieśnik staršyni ŁDP, jaki, nahadajem, raniej kiravaŭ Frunzienskim RUUS Minska, prapanoŭvaje ŭvieści kryminalnuju adkaznaść za žorstkaje abychodžańnie z žyviołami.
«Padziei pakazvajuć, što ŭ niekatorych vypadkach asabliva žorstkaha abychodžańnia z žyviołami patrabujecca ŭviadzieńnie śpiecyjalnaha artykuła Kryminalnaha kodeksa za takija dziejańni, jakija praduhledžany zakanadaŭstvam jak samastojny vid złačynstva ŭ mnohich krainach śvietu», — zajaviŭ Hajdukievič.
Č. 1 art. 339 Kryminalnaha kodeksa praduhledžvaje pakarańnie hramadskimi pracami, abo štrafam, abo papraŭčymi rabotami na termin da dvuch hadoŭ, abo aryštam na termin da šaści miesiacaŭ, abo pazbaŭleńniem voli na termin da troch hadoŭ.
18 listapada ŁDP abviaściła hrašovuju ŭznaharodu za «lubuju značnuju infarmacyju pra čałavieka, jaki kalečyć biazdomnych žyvioł u Minsku». Suma ŭznaharodžańnia — ad 1 młn rubloŭ, «u zaležnaści ad važnaści infarmacyi».
Pavodle infarmacyi vałancioraŭ, ad dziejańniaŭ skurałupa ci hrupy skurałupaŭ, jakija zabivajuć i kalečać katoŭ i sabak u Minsku, paciarpieła kala dziasiatka žyvioł.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary