U Maskvie zatrymany biełaruski mastak Dzianis Limonaŭ.
Pra heta paviedamlaje rasijski pravaabarončy resurs ovdinfo.org sa spasyłkaj na žurnalista i mastaka Alaksandra Kaleśnikava.
Pavodle resursu, Limonaŭ byŭ zatrymany 18 listapada na Puškinskaj płoščy. Pryčynaj dla zatrymańnia stała pravierka palicyjaj dakumientaŭ hramadzian «niefarmalnaj źniešnaści». Paśla dastaŭleńnia ŭ AUS Tahanski źviestki Limonava znajšli ŭ bazie danych pravaachoŭnych orhanaŭ.
Ranicaj 19 listapada, pavodle infarmacyi pravaabaroncaŭ, mastak pavinien byŭ być dastaŭleny ŭ prakuraturu, paśla čaho ŭ dačynieńni da jaho moža pačacca pracedura departacyi.
U Tahanskim AUS Maskvy prakamientavać hetu infarmacyju admovilisia.
Aktyvist art-hurtu «Lipavy ćviet» Dzianis Limonaŭ staŭ viadomy paśla taho, jak u śniežni 2011 hoda adpraviŭ u Hienprakuraturu Biełarusi zajavu, u jakoj uziaŭ na siabie vinu za ŭčynienyja ŭ respublicy terakty, u tym liku terakt u minskim mietro 11 krasavika 2011 hoda, a taksama zastupiŭsia za Dźmitryja Kanavałava i Uładzisłava Kavalova, pryhavoranych da śmiarotnaj kary pa abvinavačańni ŭ teraryźmie. Biełaruskija śledčyja orhany na jaho pryznańnie nie adreahavali.
Nie vyklučana, što mienavita paśla zvarotu Limonava ŭ Hienprakuraturu jaho proźvišča trapiła ŭ bazu źviestak pravaachoŭnych orhanaŭ.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary61
Kamientary