Kalininski rajonny sud Pieciarburha źmianiŭ 18 listapada mieru strymańnia fatohrafu Dzianisu Siniakovu, aryštavanamu pa spravie ab akcyi «Hrynpisa» na naftapłatformie ŭ Piačorskim mory ŭ Rasii.
Sud adpuściŭ Siniakova pad zastavu dvuch miljonaŭ rasijskich rubloŭ (560 młn biełaruskich — NN), jon budzie znachodzicca pad padpiskaj ab niavyjeździe, paviedamlaje Dožd́.
Siniakoŭ, jaki zdymaŭ akcyju ekołahaŭ u naftapłatformy «Pryrazłomnaja», pracavaŭ pavodle kantraktu z «Hrynpis», a taksama vykonvaŭ redakcyjnaje zadańnie «Lenta.ru», jakoje było dałučanaje da materyjałaŭ spravy razam sa zvarotami bolš za 300 žurnalistaŭ i fatohrafaŭ, jakija zapatrabavali vyzvalić aryštavanaha.
18 vieraśnia aktyvisty Hrynpis z sudna «Arktyka Sanrajz» sprabavali patrapić na nieftiepłatformy «Hazproma «Pryrazłomnaja» u Piačorskim mory, kab pravieści akcyju suprać zdabyčy nafty ŭ Arktycy.
Na nastupny dzień śpiecnaz FSB zatrymaŭ sudna i supravadziŭ jaho ŭ Murmansk. 30 členaŭ ekipažu byli aryštavanyja. Bolšaść ź ich — zamiežnyja hramadzianie.
Biełaruskija žurnalisty ŭ znak padtrymki Siniakova źbirali podpisy z patrabańniem vyzvaleńnia fatohrafa (padpisalisia 77 čałaviek), a ekołahi na dabračynnym viečary 15 listapada ŭ Minsku, zładžanym siabrami «Zialonaj sietki» i Centra pravavoj transfarmacyi, źbirali hrošy dla aktyvistaŭ «Hrynpisa».
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku96
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2525
Kamientary