Naviednic adnaho z salaryjaŭ Adesy ŭpotaj zdymali na videa i pakazvali ŭ žyvym efiry ŭ internecie.
Naviednicy hetaha salaryja (jon raźmiaščajecca na vuł. Žukoŭskaha) i nie padazravali, što schavanyja kamiery zdymajuć toje, jak jany prymajuć soniečnyja vanny, pieraapranajucca abo naviedvajuć prybiralniu.
Pornastudyju ŭ salaryi vyjavili vypadkova.
Adna z naviednic ubačyła na adnym z pornasajtaŭ videa samoj siabie, jakaja prymaje pracedury ŭ salaryi ŭ poŭnym niehliže, i padała zajavu ŭ milicyju. Supracoŭniki pravaparadku ŭ vyniku pieratrusu znajšli schavanyja videakamiery, ustalavanyja jak u załach, dzie miascovyja dziaŭčaty prymali soniečnyja vanny, tak i ŭ raździavałkach i prybiralniach. Prosta ŭ salaryi byŭ ustalavany mahutny siervier, jaki pieradavaŭ pikantnaje videa za miažu.
Anłajn-tranślacyja z adeskaha salaryja karystałasia papularnaściu ŭ Jeŭropie i Amierycy, dzie videa možna było ŭbačyć ŭsiaho za niekalki dalaraŭ.
Adesitki byli pradstaŭlenyja na sajcie jak «ruskija pryhažuni».
Adeskaja milicyja zaviała kryminalnuju spravu pa artykule «Vyrab i zbyt parnahrafii». Akramia ŭłasna parnahrafii tut u najaŭnaści taksama parušeńnie niedatykalnaści pryvatnaha žyćcia, što taksama kryminalnaje złačynstva. Vyśvietlenyja asoby złačyncaŭ — nielehalnyja zdymki arhanizavali vosiem čałaviek, u tym liku dva IT-śpiecyjalisty. Adnak nichto ź ich pakul nie zatrymany.
Salaryj na vulicy Žukoŭskaha — adzin z samych elitnych u Adesie.
Jaho naviedvali žonki i dočki ŭpłyvovych adeskich palitykaŭ i biznesoŭcaŭ.
-
Moža i dobra było b, kab mužčyny rabili heta 20 razoŭ na miesiac
-
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty
-
Što takoje mužčynskaja kantracepcyja ciapier? Navukoŭcy navučylisia vyklučać i ŭklučać vypracoŭku śpiermatazoidaŭ
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary