«Knihi dzietkam» — tak nazyvajecca prahrama dla mabilnych pryładaŭ, jakuju karystalniki planšetaŭ i smartfonaŭ Apple zmohuć spampavać bližej da Kaladaŭ.
Prahrama Kinderbook budzie davać mahčymaść pračytać ci prasłuchać kazku, zapisanuju pa-biełarusku i pa-anhielsku.
Spačatku buduć dadavacca azdoblenyja jarkimi malunkami kazki, raźličanyja na dzietak 2–4 hadoŭ. U bližejšych planach kamandy, jakaja pracuje nad prajektam, — stvareńnie Android-versii.
Inicyjatarka prajektu i pierakładčyca kazak Taciana Cukanava ŭ interviju Svabodzie raspaviała pra sens stvareńnia takoj prahramy:
«Heta pryvatnaja inicyjatyva, jakaja pačałasia sa stvareńnia palički kazak na rasiejskaj movie. Ciapier Kinderbook — heta cełaja sietka virtualnych knižnych paličak: rasiejskaja, ukrainskaja, polskaja, niamieckaja, vijetnamskaja…
Rychtujucca da vychadu francuskaja i hreckaja. My ŭzialisia zrabić biełaruskuju.
Sens u tym, što knihi, jakija dadajucca ŭ hetuju virtualnuju paličku, pierakładajucca na ŭsie movy inšych filijaŭ.
Kali my dadadzim biełaruskija kazki, to dzieci ŭ inšych krainach zmohuć ich čytać i słuchać na svajoj movie. A biełaruskija dzietki buduć čytać, naprykład, italjanskija, francuskija, polskija kazki. Sens u tym, kab stvaryć hlabalnuju dziciačuju biblijateku».
Zapuściŭšy «Knihi dzietkam», karystalnik ubačyć virtualnuju knižnuju palicu. Na joj dla pačatku 6 biełaruskich knižak, u kožnaj — pa adnoj kazcy.
Miarkujecca, što kožny miesiac na paličku buduć vystaŭlacca jašče 1–2 knižki. Dla kožnaha tvora možna budzie abrać farmat z ahučvańniem ci biez. Usie farmaty (i tekst, i huk) buduć dastupnyja pa-biełarusku i pa-anhielsku.
«Tyja tvory, ź jakimi my pracujem ciapier, — heta nievialičkija rasiejskija aŭtarskija kazki dla maleńkich dzietak. Jany — pra siabroŭstva i pryhody, dabryniu i vieru ŭ siabie», — raspaviadaje Taciana.
Ciapier užo zapisana čatyry kazki: «Alina i Palina vybirajuć chatniuju žyviołu», «Samalocik vystupaje na avijašoŭ», «Ciahničok i pavodka», «Kosmas». Da novaha hodu zapišuć jašče dźvie.
Aŭdyjoversii ahučvajuć biełaruskija aktory i muzyki Andruś Takindanh i Rusia.
«Hetaja prahrama budzie častkova płatnaj. To bok sama prahrama budzie zapampoŭvacca biaspłatna i buduć niekatoryja biaspłatnyja knihi, kab karystalniki zmahli pahladzieć, ci cikava im płacić za poŭnuju versiju, astatniaje budzie za hrošy.
Ale košt adnoj knihi budzie nievialiki — nia bolš za 2 dalary. Užo ciapier my zajmajemsia prasoŭvańniem hetaj prahramy.
Siarod inšaha, ja b mahła adznačyć supołki «Knihi dzietkam», jakija isnujuć u Facebook'u, «Vkontaktie», a taksama ŭ Twitter'y. Taciana padkreśliła ŭnikalnaść prajektu ŭ biełaruskaj mabilnaj prastory.
Jana kaža, što ilustravanych kazak na biełaruskaj movie dla mabilnych pryładaŭ pakul što niama.
«Navat kali jość niejki vybar aŭdyjoknih dla dziaciej, to hetyja knihi isnujuć u farmacie dyskaŭ ci fajłaŭ. My ž prapanujem prahramu dla mabilnych pryładaŭ, jakija ciapier jość praktyčna ŭ kožnaha čałavieka, i viadoma, što siońnia baćki dajuć navat samym maleńkim dzietkam svaje smartfony i planšety, kab tyja hulalisia.
Dyk čamu b jašče i kazku pa-biełarusku nie pasłuchać? Tamu ja liču, što jość usie padstavy dla taho, kab taki soft znajšoŭ svajho karystalnika», — padsumavała Taciana Cukanava.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynaj, na 20 hadoŭ małodšym za jaje1
Kamientary