ŚMI: Amierykanski inviestycyjny fond nabyŭ 20% źniešniaha doŭhu Ukrainy
Adzin z najbujniejšych inviestycyjnych fondaŭ ZŠA — Franklin Templeton nabyŭ na suśvietnym finansavym rynku dziaržaŭnyja ablihacyi Ukrainy na naminalny sumu ŭ 5 młrd dalaraŭ.
Pra heta paviedamiła ŭ niadzielu ŭ svajoj elektronnaj viersii brytanskaja hazieta Financial Times, piša Itar-tass.com.
«Ździełka, jakaja dasiahaje piataj častki ahulnaj źniešniaj dziaržaŭnaj zapazyčanaści Ukrainy, praviedziena ŭ kancy minułaha žniŭnia, — adznačaje vydańnie. — Užo stała viadoma, što pieršy vice -premjer Ukrainy Siarhiej Arbuzaŭ i ministr finansaŭ Juryj Kołabaŭ naviedali ź nieaficyjnym vizitam štab-kvateru fondu ŭ kalifarnijskim horadzie San-Matea z metaj dać peŭnyja harantyi najbujniejšamu trymalniku nacyjanalnaha doŭhu».
Infarmacyja pra toje, jakuju sumu Franklin Templeton prapanavaŭ za 20 % ukrainskaha źniešniaha doŭhu, zastajecca kamiercyjnaj tajamnicaj.
Raniej, u pačatkovaj fazie finansavaha kryzisu jeŭrazony, zaakijanski fond skupiŭ ablihacyi Irłandyi, atrymaŭšy ŭ vyniku hetaj apieracyi bujny prybytak paśla taho, jak Dublinu była akazana dapamoha z boku Jeŭrasajuza i Mižnarodnaha valutnaha fondu.
Pa śćviardžeńni Financial Times, na suśvietnych rynkach čakajuć značnaha paharšeńnia finansavaha stanovišča Ukrainy ŭžo ŭ samy bližejšy čas.
«Situacyja vielmi prostaja: Ukraina apynułasia pierad pahrozaj značnaha niedachopu najaŭnych hrošaj i fondaŭ», — zajaviŭ haziecie viadučy analityk amierykanskaha banka Morgan Stanley Paoła Batory.
Pa jaho słovach, Kijeŭ «prosta nie zmoža spravicca z čarhovaj chvalaj adtoku kapitału». «Ukrainie patrabujecca dapamoha treciaha boku — Rasii ci MVF», — ličyć ekśpiert.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku36
Kamientary