СМІ: Амерыканскі інвестыцыйны фонд набыў 20% знешняга доўгу Украіны
Адзін з найбуйнейшых інвестыцыйных фондаў ЗША — Franklin Templeton набыў на сусветным фінансавым рынку дзяржаўныя аблігацыі Украіны на намінальны суму ў 5 млрд даляраў.
Пра гэта паведаміла ў нядзелю ў сваёй электроннай версіі брытанская газета Financial Times, піша Іtar-tass.com.
«Здзелка, якая дасягае пятай часткі агульнай знешняй дзяржаўнай запазычанасці Украіны, праведзена ў канцы мінулага жніўня, — адзначае выданне. — Ужо стала вядома, што першы віцэ -прэм'ер Украіны Сяргей Арбузаў і міністр фінансаў Юрый Колабаў наведалі з неафіцыйным візітам штаб-кватэру фонду ў каліфарнійскім горадзе Сан-Матэа з мэтай даць пэўныя гарантыі найбуйнейшаму трымальніку нацыянальнага доўгу».
Інфармацыя пра тое, якую суму Franklin Templeton прапанаваў за 20 % украінскага знешняга доўгу, застаецца камерцыйнай таямніцай.
Раней, у пачатковай фазе фінансавага крызісу еўразоны, заакіянскі фонд скупіў аблігацыі Ірландыі, атрымаўшы ў выніку гэтай аперацыі буйны прыбытак пасля таго, як Дубліну была аказана дапамога з боку Еўрасаюза і Міжнароднага валютнага фонду.
Па сцвярджэнні Financial Times, на сусветных рынках чакаюць значнага пагаршэння фінансавага становішча Украіны ўжо ў самы бліжэйшы час.
«Сітуацыя вельмі простая: Украіна апынулася перад пагрозай значнага недахопу наяўных грошай і фондаў», — заявіў газеце вядучы аналітык амерыканскага банка Morgan Stanley Паола Баторы.
Па яго словах, Кіеў «проста не зможа справіцца з чарговай хваляй адтоку капіталу». «Украіне патрабуецца дапамога трэцяга боку — Расіі ці МВФ», — лічыць эксперт.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары