Pačaŭsia pryjom zajavak na naviedvańnie Pałaca Niezaležnaści
Pra heta paviedamili ŭ Administracyi prezidenta.
Pra toje, što ŭ novapabudavany Pałac Niezaležnaści na praśpiekcie Pieramožcaŭ zmoža trapić kožny žadajučy, za niekalki dzion da jaho adkryćcia paviedamiŭ sam Alaksandr Łukašenka.
«Heta nie rezidencyja prezidenta. Tam, praŭda, jość adzin rabočy kabiniet dla prezidenta, bolš tam kabinietaŭ niama», — zajaviŭ jon.
U Administracyi kiraŭnika krainy paviedamili, što dla naviedvańnia Pałaca nieabchodna pakinuć zajaŭku.
«Dasyłajcie zajaŭku na naš faks, my razhledzim. Ale pakul nie śpiašajciesia: raniej za listapad ekskursii ŭ Pałacy Niezaležnaści pravodzicca nie buduć», — kažuć u pres-słužbie.
Uračystaje adkryćcio Pałaca Niezaležnaści adbyłosia naprykancy minułaha tydnia. 24 kastryčnika ŭ im prajšło pasiedžańnie Vyšejšaha Jeŭrazijskaha ekanamičnaha savieta na čale z kiraŭnikami Rasii i Kazachstana. A 25 kastryčnika budynak sustrakaŭ kiraŭnikoŭ krain SND, jakija pryjechali ŭ Minsk na samit Sadružnaści niezaležnych dziaržaŭ.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj18
Kamientary