Šerah supracoŭnikaŭ Kryčaŭskaha RAUS padazrajucca ŭ pieravyšeńni ŭłady.
Jak paviedamiła aficyjny pradstaŭnik USK pa Mahiloŭskaj vobłaści Aksana Salaniuk, zaraz śledčyja orhany rasśledujuć kryminalnuju spravu ŭ dačynieńni da niekatorych supracoŭnikaŭ Kryčaŭskaha RAUS pavodle prykmiet składu złačynstva, praduhledžanaha č. 3 art. 426 KK (pieravyšeńnie ŭłady ci słužbovych paŭnamoctvaŭ). «Padčas papiaredniaha rasśledavańnia byli ŭstanoŭleny asoby supracoŭnikaŭ, jakija, naŭmysna pieravyšajučy svaje słužbovyja paŭnamoctvy, nanieśli žycharu horada Kryčava ciažkija cialesnyja paškodžańni», — skazała jana.
Zaraz adnamu z supracoŭnikaŭ vystaŭlena abvinavačańnie i vybrana miera strymańnia ŭ vyhladzie ŭziaćcia pad vartu.
Praca pa zbory i zamacavańni dokazaŭ pa kryminalnaj spravie praciahvajecca, zaznačyła Salaniuk.
Źbivańnie žychara Kryčava ŭ milicyi mieła miesca ŭ śniežni 2012 hoda.Jaho nieabhruntavana padazravali ŭ kradziažy, paviedamiła BiełaPAN maci źbitaha. Pavodle jaje słoŭ, syn znachodziŭsia ŭ ciažkim stanie i byŭ špitalizavany. U hety čas jon pajechaŭ na pracu ŭ Rasiju.
Žančyna paviedamiła, što pieršapačatkova spravaj zajmaŭsia KDB, a potym jana była pieradadziena ŭ Śledčy kamitet.
Jak paviedamili BiełaPAN u redakcyi kryčaŭskaj niezaležnaj haziety «Volny horad», źbity hramadzianin byŭ zatrymany pa spravie ab kradziažy va UKVP «Kamunalnik». Zaraz pad vartaj znachodzicca opierupaŭnavažany Kryčaŭskaha RAUS Sinicyn. Pa hetaj spravie prachodziać jašče dvoje opierupaŭnavažanych.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary