Były premjer-ministr Vienhryi Dźjuła Chorn, jakoha časta nazyvajuć razburalnikam žaleznaj zasłony, pamior u Budapiešcie va ŭzroście 80 hadoŭ paśla praciahłaj chvaroby.
Dźjuła Chorn atrymaŭ jeŭrapiejskaje pryznańnie paśla taho, jak jon, ministr zamiežnych spraŭ Vienhryi, razam z kiraŭnikom źniešniepalityčnaha viedamstva Aŭstryi 27 červienia 1989 simvalična pierarezaŭ kalučy drot, jaki dzialiŭ dźvie krainy.
Niečakanym nastupstvam takoha žestu ministra krainy, jakaja ŭvachodziła ŭ kamunistyčny błok, stała padzieńnie Bierlinskaj ściany.
Dziakujučy adkrytamu takim čynam prachodu ŭ Aŭstryju tysiačy ŭschodnich niemcaŭ zmahli lehalnym šlacham pierabracca ŭ FRH, bo ź vieraśnia 1989 h. hramadzianam HDR nie patrabavałasia vienhierskaja viza, kab praź jaje terytoryju trapić u trecija krainy.
Tolki ŭ pieršyja try dni paśla adkryćcia miažy z Aŭstryjaj jaje pierasiekli 15 tysiač uschodnich niemcaŭ.
Akramia taho Dźjuła Chorn byŭ adnym z tych, dziakujučy kamu 10 sakavika 1990 h. była padpisana damova ab poŭnym vyvadzie savieckich vojskaŭ z terytoryi Vienhryi.
Heta było śviedčańniem karennaj źmieny pohladaŭ čałavieka, jaki atrymaŭ ekanamičnuju adukacyju ŭ SSSR, člena Vienhierskaj sacyjalistyčnaj rabočaj partyi, jaki ŭ 1956 hodzie dałučyŭsia da dobraachvotnickaha farmiravańnia, jakoje razam z savieckimi vojskami ŭdzielničała ŭ padaŭleńni paŭstańnia.
Paśla razvału kamunistyčnaha błoka Dźjuła Chorn ŭ 1994 hodzie staŭ premjer-ministram Vienhryipaśla pieramohi na vybarach jaho partyi, što pieraradziłasia z kamunistyčnaj ŭ sacyjał-demakratyčnuju. Jon praciahnuŭ pieravod vienhierskaj ekanomiki na rynkavyja rejki, spryjaŭ ustupleńniu svajoj krainy ŭ NATO i Jeŭrapiejski sajuz.
Za ŭkład u spravu miru i adzinstva jeŭrapiejskaha kantynienta Dźjuła Chorn uznaharodžany mižnarodnaj premijaj Karła Vialikaha i Vialikim kryžam FRH.
Ciapier čytajuć
Biełarusy dzielacca, jak rehistrujuć svaich katoŭ. Voś jak adbyvajecca pracedura2
Biełarusy dzielacca, jak rehistrujuć svaich katoŭ. Voś jak adbyvajecca pracedura
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4747
Kamientary