Sud prypyniŭ rašeńnie ab vysialeńni «Novaha žyćcia», stan pastara Hančarenki adnosna stabilizavaŭsia
Haspadarčy sud Minska 14 červienia prypyniŭ svaju pastanovu ab raspačynańni vykanaŭčaha sudavodstva ŭ dačynieńni da relihijnaj abščyny chryścijan poŭnaha Jevanhiella «Carkva «Novaje žyćcio», zhodna ź jakoj supołcy prapanavałasia da 20 červienia vyzvalić budynak pa vulicy Kavalova, 72, u Minsku,paviedamiŭ juryst «Novaha žyćcia» Siarhiej Łukanin.
Pavodle jaho słoŭ, ranicaj 14 červienia jamu patelefanavali z haspadarčaha suda Minska i prapanavali paśla abiedu zabrać pastanovu ab prypynieńni sudovaha rašeńnia. «Takim čynam, sud čarhovym razam admoviŭsia ad namieru zabrać naš budynak», — adznačyŭ Łukanin.
U toj ža čas adnosna stabilizavaŭsia stan zdaroŭja pastara carkvy Viačasłava Hančarenki, špitalizavanaha 13 červienia jašče da atrymańnia pastanovy suda.Pracedura
«Ciapier my atrymali infarmacyju, što ŭ našaha pastara poŭnaściu adnavilisia zrokavyja funkcyi i stała zrazumiełym maŭleńnie. Jon moža samastojna pieramiaščacca pa pałacie, chacia i zastajecca ŭ reanimacyi. Najbližejšym časam jamu patrebny poŭny spakoj», — raskazaŭ Łukanin.
Miedyki płanujuć vydalić tromb chimičnym šlacham — śpiecyjalnymi preparatami.
Nahadajem, 13 červienia Łukanin atrymaŭ sudovuju pastanovu ab raspačynańni vykanaŭčaha sudavodstva ŭ dačynieńni da carkvy, jakaja była pryniata na padstavie zajavy ŭłaśnika budynka — ŽREA Maskoŭskaha rajona Minska. Pastanova pradpisvała abščynie vyzvalić budynak na praciahu tydnia.
Prychadžanie admovilisia pakidać budynak i pačali kruhłasutačnaje dziažurstva i štodzionnuju malitvu za zdaroŭje pastara Hančarenki i zachavańnie budynka.
Vysielić «Novaje žyćcio» z budynka, jaki byŭ uźviedzieny prychadžanami na ich srodki na miescy razburanaha karoŭnika 21 hod tamu, harvykankam sprabuje ŭžo vosiem hadoŭ.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna4
Kamientary