Jon byŭ vybrany na adno ź dzieviaci miescaŭ ad Asamblei narodu Kazastanu.
 Leanid Pitalenka |
Leanid Pitalenka, staršynia Nacyjanalnaha kulturnaha centra «Biełaruś» (h.Ałmaty), uvajšoŭ u lik dzieviaci deputataŭ mažylisa parłamienta ad Asamblei naroda Kazachstana. Jak paviedamiŭ karespandentu BIEŁTA Nadzvyčajny i Paŭnamocny Pasoł Biełarusi ŭ Kazachstanie Vasil Hapiejeŭ, u čas tajnaha hałasavańnia za Leanida Pitalenku svoj hołas addali 314 čałaviek.
Pavodle słoŭ dypłamata, ciapier u Kazachstanie pražyvajuć pradstaŭniki prykładna 140 nacyjanalnaściej i narodnaściej. Biełaruskaja dyjaspara naličvaje amal 100 tys. čałaviek.
Raniej, 18 žniŭnia, u Kazachstanie prajšli vybary deputataŭ u nižniuju pałatu parłamienta (mažylis) pa partyjnych śpisach. Pavodle danych infarmahienctvaŭ, jakija spasyłajucca na Centrvybarkam Kazachstana, na vybarach mažylisa atrymała pieramohu partyja «Nur Atan», jakuju ŭznačalvaje prezident krainy Nursułtan Nazarbajeŭ. «Nur Atan» atrymała 88,05 pracenta hałasoŭ. Ni adna inšaja partyja nie pieraadoleła siamipracentny prachadny barjer.
U parłamienckich vybarach pryniali ŭdzieł siem palityčnych partyj: Ahulnanacyjanalnaja sacyjał‑demakratyčnaja partyja, Narodna‑demakratyčnaja partyja «Nur Atan», Partyja patryjotaŭ Kazachstana, Kazachstanskaja sacyjał‑demakratyčnaja partyja «Auył», Demakratyčnaja partyja Kazachstana «Ak žoł», Partyja «Ruchanijat», Kamunistyčnaja narodnaja partyja Kazachstana.
Vybary ŭ parłamient byli naznačany paśla taho, jak u červieni deputaty mažylisa papiaredniaha sklikańnia dobraachvotna skłali svaje paŭnamoctvy, kab pačali pracavać usie zakanadaŭčyja papraŭki, uniesienyja raniej u kanstytucyju krainy. U pryvatnaści, u novaha składu pałaty źjavicca mahčymaść davać zhodu na naznačeńnie premjer‑ministra respubliki, a taksama bolšaści členaŭ uradavaha kabinieta. U adpaviednaści z papraŭkami, uniesienymi ŭ kanstytucyju, 20 žniŭnia dzieviać deputataŭ mažylisa vybrany ad Asamblei naroda Kazachstana.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary