Pra heta raspavioŭ žurnalist Hienadź Barbaryč, zhadvajučy akaličnaści svajho zatrymańnia viečaram 26 krasavika paśla akcyi «Čarnobylski šlach».Nahadajem, što žurnalist razam z kaleham pa «Radyjo Racyi» Alaksandram Jaraševičam byŭ zatrymany i da paniadziełka ŭtrymlivaŭsia ŭ centry izalacyi parušalnikaŭ na Akreścina.
Učora žurnalisty atrymali pa troje sutak aryštu i viečaram byli vypuščanyja na volu.
«Zatrymańnie i navat źbićcio žurnalistaŭ stanovicca zvyčajnaj spravaj. Pieraškadžajuć pracavać, pieraškadžajuć aśviatlać padziei.Mahčyma, krychu razzłavaŭ milicyjantaŭ incydent, jaki adbyŭsia z anarchistami, jakich zatrymlivali na vulicy Bahdanoviča.
Adna z žančyn, jakaja prachodziła mima i ŭbačyła heta zatrymańnie i kryki, pačała abaraniać chłopca-anarchista, jaki kryčaŭ: «Dapamažycie!». I tady heta žančyna kinułasia i pačała prosta bić milicyjanta tym, što było pad rukami. I adnamu davoli mocna raźbiła hałavu.Suprać jaje pačali kryminalnuju spravu. Kali nas afarmlali na aryšt u Savieckim RUUSie, my byli pobač ź joj, čuli jak jaje dapytvali.
Jaje zavuć Valancina. Jana išła ź niejkimi budaŭničymi pryładami, ź niejkim viadrom, małatkami, piłkami i voś jana imi paru raz stuknuła milicyjanta i davoli mocna jamu raźbiła hałavu.Mahčyma, u toj momant heta niejak padahreła emocyi i ŭskosna spryjała našamu aryštu. Cisk byŭ i praciahvajecca, kab abmiežavać aktyŭnaść, kab zapałochać hramadstva, zacisnuć, zrabić pratestnyja akcyi niešmatludnymi. Ułady ŭvieś čas niečaha bajacca».
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary