Padazravany ŭ arhanizacyi i ažyćciaŭleńni teraktu na marafonie ŭ Bostanie Džachar Carnajeŭ špitalizavany paśla aryštu ŭ piatnicu ŭviečary i znachodzicca ŭ ciažkim stanie, zajaviŭ pradstaŭnik palicyi Bostana.
«Stan jaho ciažki, ale detalaŭ ja nie viedaju», - cytuje jaho telekampanija CNN.
Na raspaŭsiudžanaj pravaachoŭnymi orhanami paśla aryštu fatahrafii Džachar Carnajeŭ lažyć śpinoj na ziamli, jaho sprabujuć pryvieści ŭ prytomnaść.
Pakul dakładna nie viadoma, ci atrymaŭ jon ranieńni jašče da sutyknieńnia z palicyjaj u dvary adnaho z damoŭ u Uotertaŭnie ci ž u praktyčna nieśviadomy stan trapiŭ z-za sprobaŭ palicyi dastać jaho sa schovišča, što supravadžałasia stralboj i kidańniem śvietłašumavach hranat.
Padazravany chavaŭsia ŭ čoŭnie, što stajaŭ na bierazie za adnym z damoŭ u Uotertaŭnie.
Tam jaho i znajšoŭ uładalnik čoŭna, jaki vyjšaŭ sa svajho doma, kali ŭłady vyrašyli, što nie znajšli ŭciekača,
i adklikali pradpisańnie žycharam nie pakidać svaje damy.
Ubačyŭšy ŭ čoŭnie akryvaŭlenaha mužčynu, uładalnik vyklikaŭ palicyju, jakaja nakiravałasia da doma nieadkładna, navat ź viertalotami.
Nahadajem, što ŭ paniadziełak, 15 krasavika, na finišy Bostanskaha marafonu adbylisia dva vybuchi, u vyniku jakich zahinuli try čałavieki, u tym liku vaśmihadovy chłopčyk, bolš za 200 atrymali ranieńni.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ7
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary